عمرو أديب: الجنيه بيحارب وحده بقوته الحقيقية.. لا فيه دعم ولا تثبيت

علق الإعلامي عمرو أديب، على متابعة المصريين لارتفاع أسعار الدولار خلال الفترة الأخيرة، بعد قرارات البنك المركزي.

وقال أديب، خلال برنامجه "الحكاية"، المذاع على قناة إم بي سي مصر: "النهارد المصريين بيتابعوا سعر الدولار زي ما بيتابعوا ماتشات كرة القدم".

اقرأ أيضًا: شعبة الدواجن: «تكلفة أسعار البيض مازالت مرتفعة لهذا السبب»

وتابع أديب: "دلوقتي المواقع الصحفية والمواطنين بقوا متابعين لسعر الدولار بشكل واضح، ولكن سعر الدولار الحقيقي مش هيبان دلوقتي ولا بكرا، ده هيكون الفترة الجاية، وبناء على معايير معينة".

وأكمل أديب: "محدش يقدر دلوقتي يتوقع الدولار هيبقى بكام، ولكن سعر الدولار الحقيقي سيظهر خلال أسبوعين تقريبا من دلوقتي، وفي ناس بتقول وصل لـ 24، لكن سعره الحقيقي لسه مظهرش".

وواصل أديب: "الجنيه المصري بيحارب لوحده بقوته بس، ولا لديه دعم أو استثمار خارجي، وتلك هي القوة الحقيقية".

اقرأ أيضًا: وزير النقل: تكلفة الخط الثالث الجديد لمترو الأنفاق بلغت 100 مليار جنيه