«اتفرجت على فيديوهات لخيرت الشاطر عشان أفهمه ومبهتمش بالتتر».. أبرز تصريحات خالد الصاوي التليفزيونية
تحدث الفنان خالد الصاوي في إحدى لقاءاته التليفزيونية، عن أهم الأفلام في حياته، وكيفية تجسيده لشخصية خيرت الشاطر في مسلسل الاختيار 3، وعن التنازلات التي يُمكن أن يقدمها في مشواره الفني.
وفي السطور التالية نرصد لكم أبرز تصريحات خالد الصاوي التليفزيونية:
- مسلسل "الثمانية" كان تجربة مُرهقة بالنسبالي، وفي نص التصوير جالي إنزلاق غضروفي.
- مش ندمان على أى دور عملته، ولو اتعرض عليا دلوقتي دور الفيل الأزرق أو عمارة يعقوبيان هرفضه لإنهم انتحاريين.
- فيلم الجزيرة وعمارة يعقوبيان والفيل الأزرق يعتبروا أعمدة بنيت اسمي عليها.
- الاسم مش مهم، وساعات بجامل في الفلوس، بس مبجاملش في جودة الشغل.
- لو العمل كويس، مبهتمش بالتتر وبتنازل في الفلوس.
- مبعرفش أقلد حد، أنا بس بحاول أقرب من الشخصية عشان أفهم طريقتها، زى شخصية خيرت الشاطر وإبراهيم عيسى في فيلم الضيف.
- اتفرجت على فيديوهات لخيرت الشاطر، وبعدها قفلت الصوت عشان أشوف تعبيرات وشه وأفهمها مش أقلدها.
- التقليد معناه إنك تاخد الظاهر والملامح الخارجية بس، لكن القرب من الشخصية بيخليك تفهمها.
- أوقات كتير بخاف من الغرور، بس ساعات كتير بقع فيه.
- الأول كان اتجاهي عربي ناصري، لكن بعد كده بقيت اشتراكي واستقريت مع الاشتراكيين الثوريين.
- عصبيتي ساعات كتير بتضرني، والعند بيجرني لمشاكل كتير.
اقرأ أيضا.. مشاهدة مسلسل الونش الحلقة 1.. «بداية شيقة»
آخر أعمال الفنان خالد الصاوي
يشار إلى أن آخر أعمال الفنان خالد الصاوي مسلسل "أعمل إيه" مع الفنانة صابرين، طارق عبد العزيز، هناء الشوربجي، ألحان المهدي، نور إيهاب، محمد مهران، إيمي الجندي، وردشان مجدي، ومن إخراج أحمد عبد الحميد، وتأليف محمد الحناوي، وجسد خالد الصاوي شخصية عبد الله الفولاني مهندس بمبنى ماسبيرو و لديه أربع بنات ويغرق في مشاكلهم.
كما ينتظر الفنان خالد الصاوي عرض فيلمه الجديد "مغامرات كوكو" مع الفنان بيومي فؤاد، شيرين رضا، أوس أوس، إيهاب فهمي، منة فضالي، ومن إخراج إسماعيل فاروق وتأليف إيهاب ناصر.
اقرأ أيضا.. اليوم.. عرض النسخة المرممة لـ فيلم «خلي بالك من زوزو»
حسن الرداد في الصدارة ومحمد إمام يتزيل قائمة إيرادات الأفلام
