«مكنتش مستعدة أقابل ربنا وأنا مطربة وحمامات ستار أكاديمي فيها كاميرات».. أبرز تصريحات زيزي عادل
تحدثت الفنانة زيزي عادل عن سبب اعتزالها للفن، من خلال لقاءها مع الإعلامية ياسمين عز في برنامج "كلام الناس"، الذي يُذاع عبر قناة mbc مصر.
وفي التقرير التالي نرصد لكم أبرز تصريحات زيزي عادل مع ياسمين عز.
- بسبب ألبومي الأخير "سيبها على الله" اللي كنت لابسه فيه طرحه ونزل في رمضان وكان ألبوم ديني، الناس افتكرت إني اتحجبت بس ده كان سوء فهم.
- اعتزلت لما اكتشفت إني مش مستعدة أقابل ربنا وأنا مطربة، وغني هاخد معايا كل أعمالي في الآخر، محدش صغير على الموت وعشان كده اعتزلت وكنت عايزة أحس إني مستعدة أقابل ربنا في أى وقت.
اقرأ أيضًا.. 30 ديسمبر.. علي لوكا مع محمد منير في حفل غنائي بمناسبة رأس السنة
- عشان أكون مطربة لازم فيه أسس أحققها، زى إني أعمل فيديو كليب وطبعًا يكون معايا موديل راجل، وكذا حاجة تانية غلط، والفكرة كلها أصلًا حرام.
- حسيت إن ربنا باعتلي وبيقولي سيبي الفن، قرار الاعتزال كان من عند ربنا.
- قالوا عليا اتجوزت داعية إسلامي وأقنعني بالإعتزال، يمكن تكون دي بشرة خير وأتجوز بس ده مش حقيقي.
- قرار الأعتزال مكنش ليه أى علاقة بالجواز والإرتباط، ومش عارفة هما ليه بيجوزوني كتير كده.
- الست مش المفروض تتحجب عشان جوزها وبس، لازم تكون مقتنعة بالحجاب من جواها.
اقرأ أيضًا.. «عنبة» يكشف تفاصيل مشاركته في مسلسل «حمد لله على السلامة»
- بحب أسمع كلام مصطفى حسني جدًا عشان بيقدر يوصلي المعلومة، وكنت عملتله متابعة قبل ما أقرر أعتزل، ولما قابلته ارتاحت جدًا وفي ناس كتير حسدتني على مقابلتي ليه.
- لو الزمن رجع بيا تاني، أكيد مكنتش هروح برنامج ستار أكاديمي، لإني دلوقتي بعد ما قربت من ربنا تفكيري إتغير، وكان في حاجات كتير مكنش ينفع أعملها.
- فكرة برنامج ستار أكاديمي أصلًا لا تناسب عادات وتقاليد مجتمعنا، كل مكان كان فيه كاميرات حتى الحمامات كانوا حاطين كاميرات عند المرايا.
اقرأ أيضًا.. أبرزها «آخر دور».. مسلسلات الرعب والإثارة تقتحم المنصات الإلكترونية في 2022
