ياسمين عز: «أنا صوتي خامته شتوية وبنستخدمه لما بنحب في التليفون»

قالت الإعلامية ياسمين عز:"في سؤال بتسأله كتير وغالبا بتكون من واحدة بتقولي ياسمين أنتي بتقولي كلام بيعجبني وبحترمه بس أصل صوتك سهتان".

صوتي شتوي

وأضافت ياسمين عز، خلال برنامجها "كلام الناس" المذاع على قناة إم بي سي مصر: "شوفي يا حبيبة قلبي أنا صوتي أصله شتوي وخامته شتوية" موضحة أن هناك أصوات شتوية وأصوت صيفية.

الفرق بين الصوت الشتوي والصيفي

وتابعت: "الصوت الشتوي ده بيكون زي صوتي كده ناعم ودافي ونايمان وسهتان أو نعسان شوية فخمته بتكون شتوية.. أما الصوت الصيفي بيكون صوت عالي شوية حاد مزهزه ومتيقظ طوال الوقت ولا يفصل ودة صوت خامته صيفية".

الصوت الأفضل لياسمين عز

وأوضحت ياسمين، لجمهورها الصوت الأفضل قائلة: "هقولكوا بدون انحياز وتواضع أن خامة الصوت الشتوي هي اللي أحلى.. قوليلي ليه؟.. هقولك ليه لأن أول ما بتحبي أو تتخطبي بتستعملي وبتحولي صوتك في جزء من الثانية مع خطيبك في التليفون لصوت الشتوي وتقوليله.. الو أحمد أزيك عامل أية ألو أحمد كلت ولـ لسه"

بعد الزواج يعود صوت المرأة

وأشارت إلى أن بعد الزواج يعود صوت المرأة إلى خامته الصيفية وبالتالي يكون مرتفع وحاد ولا يفصل وبطبع هذا الكلام للفتيات وليس للرجال: "لأنهم أحلى حاجة في الدنيا وإحنا عارفين لأن صوتهم خلاب وجذاب كائن الكروان يغرد ويرقرق ويوزقزق فخلي كروانك يغني وأنتي إعزفي".

على قلبي زي العسل

ونوهت إلى أنها ستحضر حلقة عن الأحبال الصوتية لمعرفة الفرق بين الأصوات قائلة: يا حبايب قلبي إنتو تسألوا اللي أنتوا عاوزينه أنا من عيوني الأتنين أجاوب.. الموضوع تعدى مذيعة وبرنامج ومشاهدين لا خالص إحنا أهل وأنا ارتحتلكوا لأن من الأول بحبكوا دلوقتي زيادة عن الحب فبقيت برتحلكوا قولوا براحتكم واسألوا براحتكم على قلبي زي العسل".

اقرأ أيضا: 8 ساعات عمل بـ20 جنيها.. البداية الأولى في رحلة هاني عبد الجواد

اقرأ أيضا: كيف بدأت الماسونية؟.. الإخوان والمشاهير وكأس العالم في قبضة سحر «فرسان الهيكل»..

اقرأ أيضا:أغضب نجاحها الملكة إليزابيث.. من هي أيقونة البورسعيدية زينب الكفراوي؟