تفاصيل قانون الأحوال الشخصية الجديد 2022.. بعد تصريحات الرئيس السيسي اليوم
تحدث الرئيس عبد الفتاح السيسي، رئيس الجمهورية اليوم الاثنين عن ملامح قانون الأحوال الشخصية الجديد، موضحا أن النخبة الذين عملوا على عن قانون الأحوال الشخصية الجديد استعانوا بكافة وجهات النظر.
وأضاف الرئيس السيسي خلال كلمته بافتتاح خلال افتتاح الرئيس مصنعى إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبو رواش بمحافظة الجيزة :«لما اتكلمنا عن قانون الأحوال الشخصية قولنا شوية ملامح للقانون.. والنخبة اللى اشتغلت فيه مطمئنين أنهم خدوا كل وجهات النظر، وتم طرحها لأن الناس كانت بتشوف الكلام ده على منصة القضاء على مدى 30 سنة وأكثر».
عقد الزواج في قانون الأحوال الشخصية الجديد
قال الرئيس السيسي إن عقد الزواج سيكون بناء على إذن من لجنة يرأسها قاضي ومستشار من الصحة لطمأنة الأم والأب :«قلت لوزير الصحة، هخلي اللي يوافق لجنة برئاسة قاضي، وتروح لها نتائج مميكنة وتقرير بسلامة التحاليل، طب حد يقولي أنت بتعقدها، لا، لا والله، أنا بطمن الناس، هو الجواز ده حاجة بسيطة، ده أغلظ ميثاق، فيه قاضي ومعاه مستشار بيشوف الفحوصات ويدي الإذن للمأذون يوثق ويعمل العقد، الاتنين هيبقوا شافوا الموقف وقبلوا هذه النتائج، حد يقول مش خايف الناس تلجأ لأسلوب آخر، أنا أمام الله بشرح وبتكلم وبنحاول نعمل مسار يؤكد السلامة».
طرح قانون الأحوال الشخصية الجديد 2022 للحوار المجتمعي
طالب الرئيس بإجراء حوار مجتمعي حول قانون الأحوال الشخصية الجديد 2022، قائلا :«لما اتكلمنا عن الملامح الرئيسية ده مش معناه أنكم ما تعملوش حسابكم في الحوار حوله.. لازم تعملوا حوار مجتمعي للقانون.. وزير العدل موجود معانا يكلمنا عن القانون الجديد».
كشف طبي على الزوجين
أكد الرئيس اهتمام الدول بإجراء الكشف الطبي قبل الزواج من أجل التأكد من السلامة الصحية للزوج والزوجة، قائلاً :«إحنا في إجراءات الكشف الطبي المعمولة فيها سلامة عقل، يعني سلامة شاب قدام سلامة فتاة، والعقد مبني على الشفافية، طول ما العلم متقدر يديني فرصة أحقق ده، لو معملتش كده يبقى أنا قصرت، ده منظور طبي مش عشان الإعاقة أو الإنجاب، النقاش اللي تم عميق جدا».
تفاصيل ملامح صندوق الأسرة
وحول إنشاء صندوق دعم الأسرة، ضمن قانون الأحوال الشخصية الجديد، قال الرئيس :«ليه بنعمل صندوق في القانون، عشان أي أسرة، والاختلاف وارد، وهما زعلانين من بعض مش عايزين يصرفوا، واللي بيضيع الأبناء، هنعمل صندوق الأسرة اللي هيتكفل بالمصاريف في هذه الفترة... يعني قولنا إيه، عشان في الإعلام تمسكوا الموضوع وتتكلموا، الدين الحقيقي له نظم، والدولة اللي متعملش نظم تحقق مقاصد الدين، يبقى عندها خلل، تقولي إكرام اليتيم، لا لا، نعمل قواعد ونظم، عشان الناس تفهم، ومش فقط نخاطب ضمائر الناس، الدولة مسؤولة تعمل مقاصد».
طريقة عمل صندوق دعم الأسرة
وحول طريقة عمل صندوق دعم الأسرة، قال الرئيس :«حضرتك جاي تتجوز، حط مبلغ في الصندوق، اللي يقدر على الفرح، يقدر يدفع المبلغ، مش كتير، وأنا كدولة اتفقت مع رئيس الوزراء، لو مليار الحكومة هتحط مليار واتنين، هنتكفل بالإجراء اللي يقدر يأمن ولادنا في كل شيء، احنا بنتكلم على نسبة طلاق أد إيه».
اقرأ أيضا: رئيس لجنة إعداد مشروع الأحوال الشخصية: الانتهاء من ملامح صندوق دعم الأسرة الأسبوع المقبل- خاص
