بجمع 5 جنيه بالعافية.. وفاء مكي لـ«الطريق»: «عاوزة أشتغل وقدمت إستغاثة وتم تجاهلي»
أثارت الفنانة وفاء مكي الجدل بعد تصريحات عديدة لها في الفترة الأخيرة، حول عدم عرض أدوار عليها وأنها تعاني من قلة الدخل ووالدتها تعاني من مرض السرطان.
قالت الفنانة وفاء مكي في تصريح خاص لجريدة وموقع "الطريق": "بقالي 10 سنين مش بيتعرض عليا أعمال، محدش من النقابة حاول يتواصل معايا وكل النقابة عارفة ظروفي ودكتور أشرف زكي عارف ووطلبت سلفة من النقابة مرتين من سنتين، وعارفين إن أمي بتموت وإنها عندها كانسر، واللى اتقال ان شاء الله ربنا يسهل".
اقرأ أيضًا.. تزامنا مع احتفالات رأس السنة 2023.. اعرف موعد عرض مسرحية ”سيدتي الجميلة”
استغاثة وفاء مكي بالرئيس السيسي
وأضافت: "أنا عملت استغاثة للرئيس السيسي عن طريق السوشيال ميديا كأب وصديق وسند لينا كلنا، ومحصلش حاجة ولا حد قالي إنتي فين والسوق مش عرض وطلب زى ما اتقالي بدليل وجود الوجوه الجديدة اللي محدش كان يعرفها خالص يبقى ازاى عرض وطلب".
اقرأ أيضًا.. أشهرها «وبينا ميعاد».. مسلسلات تُعرض بالتزامن مع العام الجديد 2023
حقيقة رفض وفاء مكي لمسلسل "العمدة"
وعن عرض دور عليها في مسلسل الفنان محمد رمضان الجديد "العمدة"، قالت: "هذا الكلام لا أساس له من الصحة، أنا لما كنت مع ياسمين عز حد من الإنتاج ملوش علاقة بمحمد رمضان قالي إنه احتمال يعمل فيلم وتعالي اعملي ضيفة شرف قولتله لا مش هينفع بعد تاريخي ده أطلع بالطريقة دي".
