«هجبلها حقها».. أول تعليق من عبد الله رشدي على وفاة زوجته
رد الداعية الإسلامي عبد الله رشدي، على ما صرح به أمسِ الدكتور مصطفى شكري، مدير مستشفى النسائم، بأن زوجة الشيخ عبد الله رشدي المتوفاة أول أمسِ، كانت تعاني مشكلة نسائية تحتاج لجراحة خاصة، وأكد أن حالة الوفاة سببها طبي.
اقرأ أيضًا: استشاري يوضح التغذية السليمة للطلاب خلال فترة امتحانات نصف العام.. فيديو
وقال رشدي عبر فيديو نشره على صفحته الشخصية على الفيس بوك: "في الحقيقة أنا مش بحب اتكلم في الأمور الشخصية اللي تخصني أبدا، وبرد في قضايا شرعية ودينية، ولكن أرد على شيء شخصي لا، ولكني مضطر أرد دلوقتي لأن الموضوع يخص مراتي المتوفاة".
وأضاف: "كل الصحفيين اللي تواصلوا معايا وعايزين يعرفوا الموضوع، كنت برد أقلهم مش وقته وأنا في حالة مزاجية لا تسمح لي بالكلام، وكنت ساكت على أمل أن من ارتكب خطأ يصلحه، وكان يكفيني أن اللي عمل الخطأ ده يعتذر".
وأوضح الداعية الإسلامي:"بلغني أن مدير المستشفى اتكلم، والمحامي بتاعي مشكورا رد عليه، وكان لازم اتكلم"، مؤكدا: "ما حدث مع زوجتي هو إهمال طبي جسيم، وله تفاصيل هقولها بعدين عشان تعرفوها".
وتابع: "المهمل اللي بيتلاعب بأرواح الناس لازم يتعاقب، لأنه تسبب بإهماله الجسيم وحرمني من زوجتي، وحرم طفلي الصغير من أمه، ومكنتش عايز اتكلم، ولكن لما يطلع حد اتكلم يبقي لازم ارد وأوضح الأمر".
وأكد رشدي، أنه اتخذ بعض الإجراءات القانونية، قائلا:"المحامي بتاعي هيجي معايا بكرة، وأنا حطيت الموضوع في دماغي، وهجيب لمراتي حقها، وسأسعى بكل الطرق القانونية المشروعة، لكي أثبت حقها، لأنها اتبهدلت بمعنى الكلمة".
