بسمة وهبة للفتيات: اوعي يقولك يلا نتجوز من غير ما ندفع لصندوق الأسرة

قالت الإعلامية بسمة وهبة، إنه تم عقد قران حوالي 120 ألف حالة زواج، بمعدل 12 ألف عريس وعروس يوميًا، معلقة: "دا معدل مش طبيعي".

وأضافت بسمة وهبة، خلال برنامجها: "90 دقيقة"، المذاع على قناة المحور: "كله كأنه بيلحق عرض الزواج في طابور فراخ الجمعية، ياجماعة دا زواج، يعني حب وتفاهم واتفاق وتراضي بين الأطراف والعائلات، من أجل تكوين أسرة، دا مش ساندوتش تيك أواي".

وتابعت: "الزواج سترة ونعمة وهدوء واستقرار، لكن مش الزواج ده، خلوا بالكوا الجواز السريع بينتهي بنفس السرعة، واللي يقولك يلا نتجوز من غير ما ندفع لصندوق الأسرة ميستاهلكيش".