الفن

أشرف زكي: «ياسر جلال أكتر فنان يتبرع للنقابة وقالي لو قولت هقاطعك»

الإثنين، 16 يناير 2023 10:01 مـ بتوقيت القاهرة

كشف الفنان أشرف زكي عن تبرع الفنان ياسر جلال الدائم للنقابة، واصراراه على عدم الفصح بهذا، مؤكدًا أن جميع الزملاء يساعدون بعضهما.

قال أشرف زكي في تصريحات تليفزيونية له: "الناس مش عارفة اللي إحنا بنعمله، والخير مش محتاج نعلن عنه، إحنا بنعمل جروبات وبنكفل كل زملائنا المرضى والمحتاجين وأسر من يتوفاهم الله، لما بعمل نداء بيتم الاستجابه له بعد دقيقة وإحنا مش بنتأخر، كان في زميل لينا عضو في نقابة تانية توفاه الله، اقسم بالله زملائنا اتحركوا بعد 5 دقائق والمبلغ اتجمع على طول، وده رد جميل لبلدنا وإحنا مصريين، عشان كده هنعمل مبادرة رد الجميل".

أشرف زكي: ياسر جلال قالي لو قولت إني بتبرع هقاطعك

وانتقل بالحديث عن الفنان ياسر جلال وعن تبرعه الدائم للنقابة، أضاف: "إحنا مش في دماغنا نطلع نقول عشان التريندات، ياسر جلال أكتر واحد بيتبرع لزملاءه وبيساعد النقابة، وبيخليني أحلف إني مقولش لحد، ودلوقتي بقوله سامحني هو لسه باعت من كام يوم تبرع محترم جدًا لكل زملاءه المحتاجين بالنقابة، وقالي لو الموضوع ده اتعرف هقاطعك، وفي أكتر من مناسبة ألاقي ياسر باعت شيك على حساب النقابة ويقولي دي أقل حاجة لزملائي بالنقابة".

تبرع ياسر جلال لتحيا مصر

كان الفنان ياسر جلال تبرع منذ عدة أيام بمبلغ 3 مليون جنيهًا، لصالح صندوق تحيا مصر، وأكد أن هذا واجبه تجاه الوطن وأنه فعل ذلك من أجل الازمة الإقتصادية التي تمر بها مصر في الوقت الحالي وليس من أجل الشهرة أو النجومية، وتمنى من باقي زملاءه أن يفعلوا مثلما فعل من أجل مصر، وتعتبر هذه المرة الأولى التي يعلن فيها الفنان ياسر جلال عن الجهة التي يدعمها ويتبرع لها، وذلك للتوعية بأهمية صندوق تحيا مصر وضرورة التبرع له والوقوف بجانب مصر.