ليلى أحمد زاهر لـ هشام جمال: «أنت السبب في نجاحي بعد ربنا»

وجهت الفنانة الشابة ليلى أحمد زاهر، رسالة شكر إلى المنتج هشام جمال، وذلك بعد نجاح كليبها الجديد "كلمة أخيرة".

ليلى أحمد زاهر توجه رسالة شكر لـ هشام جمال

شاركت ليلى أحمد زاهر، متابعيها صورة لها برفقة هشام جمال على حسابها الشخصي، عبر موقع تبادل الصور والفيديوهات إنستجرام.

وكتبت ليلى على الصورة قائلة: "أنا طول عمري بقول إنك دايما بتكون سبب في أي نجاح نجحته أو بنجحه في حياتي بعد ربنا، لكن المشروع ده أنا عايزة أشكرك عليه بشكل خاص قدام كل الناس لأني أول ما سمعتك الأغنية عشان أخد رأيك كنت مبسوط، و فخور بيا جدا، لأنك أول واحد وقفني قدام مايك و أول لما طلبت منك انك تخرجلي الكليب ما ترددتش للحظة رغم انك كنت مشغول قوي و وراك ٣٠٠٠ حاجة ما شاء الله، ومع ذلك مقصرتش معايا ولا مع الكليب لحظة".

وتابعت: "كل حاجة خدت حقها الحمد الله، وده يدل على إنك راجل محترف جدا في الشغل، وعلى المستوى الإنساني أخويا وأقرب صديق ليا اللي دايما بيشجعني وفي ظهري".

وأضافت: "شكرًا يا هشام على كل لحظة إديتها للكليب ده من جوه قلبك والحمدلله الرسالة الفنية اللي أنت قدمتها في الكليب وصلت لناس كتير الحمدلله، شكرًا يا أجدع وأنضف أخ في الدنيا وربنا يكرمك يارب في كل أعمالك الجاية، ويارب دايما ناجح".

اقرأ أيضًا: قبل طرحه.. هكذا تظهر هيفاء وهبي في فيلم «رمسيس باريس»