عمرو عبدالجليل عن سبب رفضه لـ مساندة نجله في الفن: «لازم يتخدع ويعاني»

تحدث الفنان عمرو عبد الجليل، خلال لقائه مع الإعلامية أسما إبراهيم في برنامج "حبر سري"، عن سبب رفضه لمساندة نجله الكبير عبد الجليل، في دخول المجال الفني، كما كشف عن كواليس بعض أعماله الفنية.

تصريحات عمرو عبد الجليل في برنامج "حبر سري"

وقال الفنان عمرو عبد الجليل، خلال استضافته مع أسما إبراهيم: "ابني محتاج زقه مني عشان يدخل مجال الفن، وأنا مش عايز عشان أنا عايزه يعاني ويشتغل ويلاقي نفسه".

وتابع عمرو عبد الجليل، فقال: "وهو معتمد عليا وأنا ضد الفكرة دي، ولازم يعاني ويتخدع عشان يدخل المجال الفني".

وأضاف النجم عمرو عبد الجليل: "أنا قولت لابني روح ورشة بس متقولش أنا ابن عمرو عبد الجليل وأنا لما طلعت مقولتش أنا أخو طارق عبد الجليل، لأن الفنان محتاج أنه يعاني.. وأنا لو مدوقتش طعم الظلم مكنتش هعرف أعمل مشهد ظلم".

وأردف الفنان تمرو عبد الجليل، متحدثا عن نجله الأكبر: "أي فنان جديد لازم يعتمد على وموهبته مش على الواسطة، وقولت لأبني روح قدم في مكان لو نجحت قول أنك ابن عمرو عبد الجليل، لو منجحتش متقولش أنك ابني".