عمرو يوسف: سافرت أمريكا واشتغلت سايس بـ«بقشيش» عشان أصرف على نفسي
حل الفنان عمرو يوسف، ضيفا في برنامج "معكم"، الذي تقدمه الإعلامية منى الشاذلي، عبر فضائية "سي بي سي"، وتحدث عن حياته الشخصية وظروفه المعيشية قبل امتهانه الفن.
وقال يوسف: "وأنا في الجامعة سافرت أمريكا واشتغلت سايس عربيات، ومكنش فيه مرتب ولكن كان فيه بقشيش، فكنت عايش على البقشيش يعني"، مضيفا: "كنت بشتغل شغلانتين الصبح في مطعم للمخبوزات، وبعدين بروح اشتغل سايس في باركينج تابع لسوبر ماركيت كبير عشان أصرف على نفسي، وكنا 15 شاب ولنا رئيس السياس كلهم".
وواصل الفنان عمرو يوسف: "قعدت فترة كده بشتغل بس من غير ما أتفسح، ولما حوشت قرشين بدأت ساعتها أتفسح، شغلانة الصبح كانت بأجر 10 دولار في الساعة، وبالليل كنت بشتغل بالتبس أو البقشيش، لأنه مكنش فيه مرتب، وديه أول حاجة اشتغلتها وأول أجر في حياتي أخدته".
وطلبت منه الشاذلي غناء الأغنية التي يؤديها لأطفاله في المنزل، فقام بتأديتها باللغة الإنجليزية، لتعلق الشاذلي بعد دخولها في نوبة من الضحك: "أرجوك متغنيش تاني ليهم، ده لا صوت ولا معنى، أرجوك سيب الأولاد في حالهم".
