يسرا اللوزي تكشف سبب اعتزالها كرة القدم: «بتخليني أعيط»

تحدثت الفنانة يسرا اللوزي عن تفاصيل اعتزالها كرة القدم، التي كانت تمارسها باتقان كبير، وسبب امتناعها عن مشاهدة المباريات.

يسرا اللوزي تتحدث عن اعتزال كرة القدم

قالت الفنانة يسرا اللوزي خلال استضافتها في برنامج "واحد من الناس"، عبر قناة الحياة: "كنت بلعب كرة قدم نسائية بس مدخلتش المنتخب".

وتابعت: "أنا كنت بلعب مع الولاد في النادي كرة قدم علشان مكنش فيه دورات رمضانية نسائية في الوقت ده، بس جاتلي مشكلة في ركبتي فاضطريت أبطل لعب".

مركز يسرا اللوزي في كرة القدم

وكتبت يسرا اللوزي عن مركز لعبها في كرة القدم: "كنت بلعب مدافع كويس أوي وكنت أخاف أهاجم وبعدين لعبت صانعة ألعاب وكنت أهلاوية متعصبة بس زمان".

وأضافت: "أنا بطلت أشجع لأن لما جالي الإصابة في الركبة اكتأبت لإني كنت بحب الكرة أوي وبعدين لقيت الدكتور بيقولي متجريش ومتدبيش رجليك في الأرض ومفيش كورة تاني ودي كانت بالنسبة لي حالة غريبة وبقيت مش قادرة أتفرج على أي ماتش".

اعتزال يسرا اللوزي

واختتمت يسرا اللوزي حديثها، وقالت: "لما بتفرج على ماتشات بفضل أعيط فقفلت صفحة الكورة علشان أعيش، ومبقتش أتفرج على أي ماتش ومبقتش أتفرج على أي ماتش للأهلي دلوقتي ممكن أفتكر تشكيل الأهلي زمان والذكريات ولكن تشكيل الأهلي دلوقتي معرفهوش".