الفن

«جمهورنا يسفلت الكرة الأرضية وامشي قانوني».. أورتيجا يرد على اتهام عمرو مصطفى لمطربي المهرجانات بالسرقة

الجمعة، 16 يونيو 2023 07:47 مـ بتوقيت القاهرة

رد مطرب المهرجانات أورتيجا على التصريحات الأخيرة للمطرب والملحن عمرو مصطفى، التي هاجم فيها مطربي المهرجانات وأغانيهم واتهمهم بالسرقة.

كتب أورتيجا على الملحن عمرو مصطفى عبر حسابه على "انستجرام": "لا والله يعني أنا طلعت حرامي بعد السنين دي كلها، والله يا أستاذ عمرو يا كبير إحنا مش حرامية وياريت متجمعش، وزى ما أنت في الخليج وأوروبا إحنا من عشر سنين في الخليج وأوروبا، إحنا لينا جمهور يسفلت الكرة الأرضية تيجي أنت في ثانية تطلعنا حرامية، يا أستاذ إحنا صُناع، وصناع لمطربين كبار كمان في الوسط الفني".

أورتيجا يهاجم عمرو مصطفى بعد تصريحاته عن مطربى المهرجانات

وأضاف: "حضرتك متجمعش على حد، قول على اللي سرقك أتكلم عنه بعد إذن حضرتك، عمال أقول حضرتك وأنت تقول حرامية وبنتباها بيك إنك مصري متخليش الواحد يكره نفسه بقى والله، أنت بتهين ناس ابتكرت مزيكا جديدة طالعة من مصر مصرية الصنع والعالم كله بيتحاكى بيها في ثانية عيب والله بجد".

وتابع أورتيجا: "أنا لا بتاع تريند ولا سيط، ومش بتدخل في أي حاجة ولكن أنت بتسرق كل الناس لمجرد أن حد خد منك لحن أو أتنين أمشي قانوني زي ما حضرتك بتقول، بس متغلطش في كل الناس، لأن في ناس بتصنع محتوى من لحن لكلام لمزيكا وبتنزل وتسجل قانوني وبتنجح نجاح كبير زي ما أعمالك ما بتنجح بالظبط".

أورتيجا لعمرو مصطفى: بحبك ولكن زعلتني

واختتم أورتيجا كلامه قائلًا: "أنا بحبك وانت زعلتني من طريقة كلامك عننا، الناس اللي ملهاش ذنب في اللي حضرتك بتقوله أنا حاولت أوصل لحضرتك معرفتش فقولت أقولك هنا".