«كنت عايزة محمد رمضان يختفي ومحمد سامي فاجئني».. أبرز تصريحات لبنى ونس التليفزيونية
كشفت الفنانة لبنى ونس عن وجود أزمة بينها وبين الفنان محمد رمضان وعن كواليس مسلسل جعفر العمدة، الذي تم عرضه في موسم رمضان الماضي محققًا نجاحًا كبيرًا، وذلك خلال لقاءها مع الإعلامية شافكي المنير في برنامج "التاسعة" المذاع عبر شاشة القناة الأولى.
وفي التقرير التالي أبرز تصريحات لبنى ونس خلال الحلقة.
- لما رجعت تاني للفن لقيت تغيير 180 درجة في الوسط الفني، وكانت صدمة بالنسبالي لإني هواكب إيه ولا إيه وأنا اتربيت في الأبيض والأسود.
- مسلسل جعفر العمدة كواليسه كانت عاملة زى الخلية والكتيبة، كل واحد عارف هو بيعمل ايه وهو ده اللي خلق جزء كبير من نجاح المسلسل، ومحمد سامي كان هو رب العمل ومفيش حد فوق حد ومفيش حاجة اسمها نجم.
- كان فيه أحاسيس مضطربة بيني وبين محمد رمضان وكنت عايزاه يختفي لإني طول المسلسل خايفة منه، وكان فيه مشاعر قلق بعد ما بسلم عليه كنت باخد مشاعر الشخصية.
- أنا وأحمد داش كان بينا كيميا ومكنش عندي شك انه مش ابني، وهو كمان كان عنده نفس الإحساس وكنا داخلين في الحالة ومش عايزين نخرج منها.
اقرأ أيضًا: مايا دياب تكشف تفاصيل جديدة عن ألبومها الغنائي الجديد
- محمد سامي اللي رشحني للدور وقالي الدور ده عصب الرواية وهو الأساس، والشخصية مكنتش بس أم خايفة من ابنها اللي اتربى معاها لكن هى من الأول سيدة مطلقة مرتين عشان مش بتخلف وعندها حالة نقسية سيئة.
- مشاعر الأم على الشاشة مكنتش سهلة خالص والناس تعاطفت مع الشخصية وصدقوا حبها للولد وتمسكها بيه، وفي نفس الوقت كنت بذاكر كل ملاحظات محمد سامي إن الشخصية طيبة.
- محمد سامي بدل ما يجيب دوبلير أو يعملي ميكب جاب برنامج بيتم استخدامه في هوليوود عشام يصغرني، وهو فاجئني وبرافو عليه أنا اتخضيت.
- سبت الفن لما حسيت إني مش هعرف أوفق بين الأولاد والبيت والفن، ورجعت تاني لما أولادي كبروا.
اقرأ أيضًا: بأغنية من الفيلم.. دينا الشربيني تشوق جمهورها لـ ”تاج” مع تامر حسني (فيديو)
