«لما بيغير من النجاح بيخبط».. رد ناري من رامي صبري على تصريحات عمرو مصطفى
رد الفنان رامي صبري على اتهامات الملحن عمرو مصطفى له بسرقة لحن أغنيته "يمكن خير" من أغنية "رقصة"، مؤكدًا أن سرقة الألحان تكون عندما يتم اقتباس 4 موازير ولكن التشابه بين الأغنيتين في ثلاثة موازير فقط.
قال رامي صبري خلال لقاءه في برنامج "أجمد 7" مع جيهان عبد الله: "نفسي عمرو مصطفى كصديق وعشرة عمر، يركز هو فنان بجد مش أي كلام وموهوب، وعمل أغاني مهمة قوي في مسيرته الفنية لعمرو دياب وحماقي وناس تانية كتير نجحوا، وهو نجح لما اشتغل مع عمرو وفنانين كبار، حتى لو دي مرحلة وعدت متقعدش تخبط في الناس كلها وتعمل عداوات وتزعل الناس، ومش هنتبسط منك احنا هنتضايق منك، لأني مبحبش التقليل من قيمة الناس".
وأضاف: "طريقة عمرو لم تعجبني هو قال إني سرقت ورامي صبري مبيسرقش، أنا فنان والمبدع مش بيسرق، فيه فرق بين السرقة وتوارد الأفكار، زى زمان عملت أغنية لعامر منيب اسمها ده مكنش حب وهندم ليه، بعدها محمد يحيي الملحن عمل أغنية لعمرو دياب شبه ألحاني، وده عادى توارد أفكار".
اقرأ أيضًا: الغضروف قفل على العصب.. فيفي عبده تتعرض لوعكة صحية وتعلق: «حد عاملي عمل»
رد رامي صبري على تصريحات عمرو مصطفى
وتابع رامي: "المفروض إننا صحاب ومبحبش أتكلم على حد بشكل سلبي، أنا لو هركز معاه هحاسبه بالقانون بس فارق معايا الجمهور ومش هرد عليه وبقوله ربنا يهديك، وعمرو مشكلته مش في الأغاني لإن لو حد فينا سرق هيقاضينا، بس هو لما بيغير من النجاح بيخبط في الناس".
واختتم رامي كلامه، قائلًا:
"محدش فينا عاجب عمرو مصطفى كلنا واقعين وبنعمل أغاني وحشة ومسروقة، أنا لو عندي مشكلة نفسية هخليه بالقانون ميشتغلش تاني، إنما أنا عشان متربي كويس هعديها لإن مراته ست محترمة وبعتبر ولاده زى أولادي بالظبط، مش هعمله حاجة".
اقرأ أيضًا: «يفتح باب نحارب لإغلاقه».. صناع الفن يعترضون على قرار نقابة الممثلين بشأن مسلسل ليه لأ 3
نادية الجندي تخطف الأنظار بإطلالة جديدة.. والجمهور: «خليتي إيه للبنات الصغيرة».. صور
