«بنتي المسؤولة عن شركة الإنتاج ووفاة علاء ولي الدين أثرت عليا».. أبرز تصريحات محمد هنيدي

حل الفنان محمد هنيدي، ضيفًا في برنامج "حبر سري" مع الإعلامية أسما إبراهيم، وتحدث خلال الحلقة عن العديد من الأمور التي تتعلق بحياته الشخصية والمهنية، منها علاقته بالفنان الراحل علاء ولى الدين ورأيه في التحاق ابنته بمجال التمثيل.

أبرز تصريحات محمد هنيدي خلال الحلقة

- علاء مرسي وأشرف عبد الباقي مندفعين وبيقولوا حاجات تبوظ الدنيا.

- معيطتش بعد وفاة علاء ولى الدين لمدة 3 شهور ووفاته أثرت عليا نفسيًا.

- افتقدت علاء ولى الدين جدًا خاصة في أول سنة بعد وفاته لإنه كان بيسأل عليا كل يوم.

- منشور سقوط لوحة إعلانات كوبري أكتوبر مسحته لما اتأكدت ان في إصابات ومكنش ينفع يستمر.

- هشارك في إنتاج فيلم مهم جدًا لحماده هلال وحاليًا بنعمل جلسات بين الفنانين والمخرج.

- مشوفتش أى فيلم من سنة تقريبًا وآخر فيلم حضرته في السينما كان الإنس والنمس.

اقرأ أيضًا: مظهر أبو النجا.. عمل مؤذن بعد الاعتزال ورحل فى ظروف مأساوية

- تصريحات المخرج جمال عبد الحميد إني بشرب مخدرات غريبة وإحنا مش فاضيين عشان تقعد نرد على بعض.

- رحمة أحمد كوميديا من الطراز الجميل وطلعت في سنة وكل الناس حبتها.

- مفيش حد من ولادي بيحب التمثيل ولو بنتي حبت تمثل هيكون رد فعلي على حسب لحظتها.

- بنتي هى المسئولة دلوقتي عن شركة الإنتاج بتاعتي وعدم موافقتي على دخولها التمثيل بسبب إن المجال شاق.

- مش هرد على خلافاتي على محمد فؤاد مفيش خلاف ولا حاجة وربنا يهدى النفوس.

- أحمد آدم قال إني سرقت منه أفيش ده احنا نعرف بعض من سنين وصحاب عمر.

- أنا مش فقيه عشان أعلق على فنانين اعتزلوا ورجعوا تاني.

اقرأ أيضًا: يحيي الفخراني يكشف مكان إقامة الدورة القادمة من مهرجان القاهرة للدراما