ابنة هند رستم: «عباس العقاد اختار يعمل حوار مع ماما لأنها شبه حبيبته»
تحدثت بسنت ابنة الفنانة الراحلة هند رستم عن سبب اختيار الراحل عباس العقاد لوالدتها من أجل إجراء حوار معها عام 1962، لصالح مجلة آخر ساعة.
قالت ابنة هند رستم خلال حوارها في برنامج "الستات" مع الإعلامية سهير جودة: "المجلة كانت عايزة تعمل حوار مع عباس العقاد، وكان عنده فرصة يختار بين مديحة يسري وهند رستم وفاتن حمامة عشان تعمل الحوار معاه، واختار ماما".
سبب اختيار عباس العقاد لإجراء حوار مع هند رستم
وتابعت: "كلنا استغربنا من اختياره وقولنا يمكن شافها في فيلم، وساعتها ماما كانت قلقانة وخايفة وعايزة تأجل الحوار، لكن في الآخر راحت وبدل ما الحوار كان نص ساعة بقا ساعتين، واللي عرفناه بعد كده إنه كان معجب بهند رستم عشان شبه سارة اللي كان بيحبها".
وعن سؤال لماذا وصفها بملكة التعبير بعد حواره معها، أوضحت ابنة هند رستم: "وهو بيتكلم معاها لقاها إنسانة حساسة وعندها مشاعر جدًا، على عكس ظهورها في أفلامها، عشان كده وصفها باللقب ده".
اقرأ أيضًا: من الاعتذار إلى الوقف عن العمل.. القصة الكاملة لأزمة ”كزبرة” بسبب صور أحمد زويل
