أمينة خليل: أنا ومحمد ممدوح بينا كيميا من عند ربنا
كشفت الفنانة أمينة خليل عن كواليس فيلمها الجديد "وش في وش" مع الفنان محمد ممدوح، معربة عن سعادتها بالمشاركة فيه وبالنجاح الذي حققه حتى الآن، قائلة: "الفيلم اتعمل فيه مجهود رهيب عشان يطلع بالشكل ده"، إلى جانب حديثها عن الكيميا التي تجمعها بـ تايسون.
تحدثت أمينة خليل عن فيلم "وش في وش"، حيث قال في تصريحاتها من خلال قناة DMC: "بحب قوي علاقتي مع كل شخص في الفيلم وأنا ومحمد ممدوح (تايسون) بقينا عشرة وفاهمين بعض قوي، وهو أخويا وحبيبي وبتبسط جدًا لما بشتغل معاه، والكيميا اللي موجودة بينا مش بإيدي ولا بإيده دي حاجة من عند ربنا كده".
اقرأ أيضًا: وقعت.. حورية فرغلي تتعرض لموقف محرج في حفل ”مسابقة ملكة جمال مصر”
أمينة خليل عن فيلم وش في وش
وأضافت أمينة خليل: "أنوشكا تاني مرة تطلع مامتي بعد مسلسل جراند أوتيل، وبتبسط قوي بالموضوع ده لما بشتغل معاها، عشان إحنا علاقتنا طيبة ولطيفة جدًا، وكمان هى ممثلة مجتهدة جدًا وفي كل مشهد بتعلم منها حاجة".
وتابعت أمينة: "دور خالد كمال عجبني جدًا، وكمان دور دنيا سامي هو أكتر حاجة عجبتني في الفيلم كله وعمل ردود أفعال حلوة جدًا مع الجمهور الحمد لله، وهى تستحق كل الدعم والإشادة بصراحة، وحاسه إني عايزة أسقف لكل واحد منهم على مجهوده ودوره في الفيلم".
فيلم وش في وش
فيلم "وش في وش" بطولة الفنانة أمينة خليل، محمد ممدوح، أحمد خالد صالح، أنوشكا، بيومي فؤاد، إسماعيل فرغلي، محمد شاهين، خالد كمال، محمود الليثي، دنيا سامي، أسماء جلال، سلوى محمد علي، وعدد كبير من الأبطال وضيوف الشرف خلال الأحداث، والفيلم من إخراج وتأليف وليد الحلفاوي.
وتدور أحداث الفيلم حول الزوجين شريف وداليا اللذان يحدث بينهما مشاكل زوجية عادية ولكن تتفاقم المشكلة بعد دخول الأهل بينهما، ويحدث موقف يجعلهم محبوسين في شقتهم وتتوالى الأحداث في إطار اجتماعي كوميدي حول العديد من العلاقات وتدخل الأهل بين أولادهم.
اقرأ أيضًا: بين حفلى الافتتاح والختام.. كيف وصف شريف مدكور إنجازات مهرجان العلمين؟
