«احنا حبايب».. حسن شاوكوش يعلن انتهاء أزمته مع طليقته

أكد مطرب المهرجانات الشعبية حسن شاكوش انتهاء الخلافات بشكل ودي بينه وبين طليقته ريم طارق، وتم الصلح بينهم.

حسن شاكوش يعلن انتهاء أزمته مع طليقته

وشاركت ريم طارق متابعيها فيديو لطليقها حسن شاكوش عبر حسابها الشخصي بموقع تبادل الصور والفيديوهات "إنستجرام"، قائلا: "أنا وريم حبايب ومفيش أي خلافات ولا مشاكل ومن خلال الفيديو بشكرك جدًا يا ريم إنك قولتي كلمة حق ومشفتيش مني أي حاجة وحشة وأنا قبلت اعتذارك.. وبتمنالك الخير والنجاح في كل خطواتك اللي جاية".

ووجه شاكوش رسالة شكر لكل من سعى في الصلح بينهما وتابع: "بشكر كل الناس اللي اتدخلوا وكلموني عشان نخلص الموضوع بشكرهم جدً اجدًا وتعبوا معايا جدًا وبقول لكل الناس أخواتنا الإعلاميين والصحفيين اللي هما على رأسي من فوق.. احنا خلاص حبايب مفيش أي حاجة".

وأضاف شاكوش: "وريم في يوم من الأيام كانت مراتي ومكنش ينفع أجرح فيها بأي كلمة أو اتكلم أي كلمة تجرحها الحمد لله الموضوع خلص على خير وأنا وريم حبايب دلوقتي.. ربنا يقدركم على فعل الخير وبشكر كل الناس اللي بتحبني وبتحب ريم".

اقرأ أيضًا: ريم طارق عن حسن شاكوش: «شخص كويس ومحترم واللي حصل كان سوء تفاهم»

ريم طارق ترد على حسن شاكوش

وردت ريم طارق على حسن شاكوش وأوضحت بأن لو لم يتدخل أحدا في حياتهم الشخصية لكانت الخلافات بينهم انتهت قبل ذلك بكثير وقالت: "أنا كمان بتمنالك كل خير يا حسن وأكيد احنا حبايب".

وتابعت ريم طارق: "ونصيحة بلاش أي حد يدخل في مشاكلكم الشخصية حتى لو أقرب الناس ليكم لأنهم من كتر حبهم ليكم ممكن المشكلة تزيد مش تتحل زي ما حصل معانا أنا وحسن.. يمكن لو كانت المشكلة بينا بس كانت اتحلت من بدري.. أنا كمان بشكرك يا حسن وأنت وعدت ووفيت لله الأمر من قبل ومن بعد".