الفن

«بتعملي تريند على قفايا».. ريم طارق تهاجم بلوجر شهيرة بعد تصالحها مع حسن شاكوش

الخميس، 7 سبتمبر 2023 09:59 مـ بتوقيت القاهرة

هاجمت ريم طارق طليقة مطرب المهرجانات حسن شاكوش، البلوجر الشهيرة فرح شعبان زوجة البلوجر علي غزلان، مؤكدًا أنها تستغل ما حدث لتصبح تريند بعدما تحدثت فرح عنها في برنامجها الذي يحل مشاكل الطلاق بين الأزواج.

قالت ريم طارق من خلال بث مباشر عبر صفحتها على "انستجرام": "ناس كتير بعتتلي فيديوهات للبلوجر فرح شعبان من برنامجها هى بتتكلم عني أنا واللي كنت متجوزاه ومتدخلة في حياتنا الشخصية أكتر مننا مش عارفة ليه، إحنا حصل بينا قعدة صلح من 3 أيام والراجل اداني حاجتي اللي عنده بما يرضي الله".

طليقة حسن شاكوش تهاجم البلوجر فرح شعبان

وتابعت ريم طارق: "انتي عاوزة ايه دلوقتي عايزة تعملي مشكلة حابه خراب البيوت، ده انتي بتعملي حلقات عن الطلاق، مش المفروض تحترمي حاجة زي دي، بدل ما تطلعي تقولي ان الطلاق المفروض يكون في هدوء بدون تدخل الإعلام، طالعة تعملي تريند على قفايا، انتي عملالي فولو ليه لحد دلوقتي وكنتي بتكلميني في أول المشكلة ليه وعايزة تعرفي كل التفاصيل".

وأضافت: "انتي جيتي بيتي وقت الخطوبة عيب اتقي ربنا انتي متجوزة وعندك طفل، ربنا اداكي نعمة حافظي عليها لإن مش كل البنات طايلينها دلوقتي، ممكن كنت أتمنى أبقى زيك، متفرحيش وتشمتي في طلاق متطلعيش ملكة بجناحات في مشكلة اتنين بيتطلقوا".

تصريحات طليقة حسن شاكوش

وعن مشاكلها مع طليقها، قالت: "أنا كنت بحارب عشان أخد حاجتي ولما خدتها اتضايقت وتعبت، احترمي إن انتي بتعملي برنامج عن الطلاق كنتي استضفتينا تصالحينا على بعض، عيب شوهتي صورتي كنت هتخليني أعمل حاجة أندم عليها بعد ما اتفقت معاه ع الصلح، هتستفادي إيه، ودخلتي ليه على اللايف دلوقتي".

واختتمت ريم حديثها، قائلة: "انتي مين سمحلك تعملي كده؟، اتقي ربنا ومتجبيش سيرة ريم تاني، عايزة تعملي برنامج محترم مش على أعراض الناس ومش على قذف المحصنات الطريقة دي عيب وحرام، حتى لو أنا غلطانة أنا ست زيك المفروض كنتي بتساعديني وقت الخطوبة والفرح مساعدتنيش أتصالح ليه، جاية تدخلي دلوقتي بعد ما حصل صلح، انتي وهو صحاب أنا مالي وعمري ما قولتلك بتكلميه ليه".