«يسرا لبست برج مائل».. عنبه يكشف كواليس مشهد الفرح في مسلسل 1000 حمد لله على السلامة
كشف مطرب المهرجانات عنبه ومايان السيد كواليس مشهد الفرح ضمن أحداث مسلسل 1000 حمد لله على السلامة، الذي اشتهر بأزياءه وإطلالاته الغريبة، مشيرين إلى أن الفنانة يسرا كانت ترتدي باروكة مائلة طوال الفرح.
قال عنبه خلال لقاءه مع الإعلامية إسعاد يونس، في برنامج صاحبة السعادة: "يسرا كانت لابسة باروكة بتتحرك كإنها برج مائل، وراسها كانت بتتهز معاها كل ما تتحرك، وكان يوم طويل قوي واحنا بنصور المشهد ده"، وردت عليه مايان: "إحنا بنعمل كوميدي وعندنا مساحة إننا نهزر، وأنا وشيماء سيف كنا لابسين لبس غريبة، ومحمد ثروت كان لابس هندي، إحنا كنا رايحين نلعب أصلًا".
عنبة: يسرا عرفت تحببنا في بعض بالكواليس
وأضاف عنبة: "ساعة مشهد الفرح جابولي بدلتين واحدة سودا واللي لبستها في المشهد، لما قيست السودا قالولي إيه ده شكلك جان، مع إن البدلة كانت واسعة قوي ومش مقاسي أصلا، وكنت عامل شعري عادي وشيماء سيف قالتلي أنت مش شايف إحنا عاملين إيه في نفسنا؟ روح بوظ شعرك المسبسب ده، دخلت عملت تسريحة غريبة من نفسي وعجبتهم وبقت راكور، بقيت أنا اللي بعملها لنفسي كل يوم، ويسرا عرفت تحببنا في بعض".
اقرأ أيضًا: عنبة: «يسرا وش السعد عليّ.. وأنا في الحقيقة جدع زي بويكا».. فيديو
