عنبة: «يسرا وش السعد عليّ.. وأنا في الحقيقة جدع زي بويكا».. فيديو

تحدث مطرب المهرجانات عنبة عن دخوله مجال التمثيل لأول مرة في مسلسل "1000 حمد لله على السلامة" بطولة يسرا، الذي يتم عرضه في موسم رمضان الحالي.

قال عنبة خلال لقائه في برنامج et بالعربي: "أنا كنت مستعد للخطوة دى بقالي كتير وكان نفسي أمثل من زمان والحمد لله ربنا إداني الفرصة اللي يتمناها أى حد، والشبه بيني وبين بويكا إني من منطقة شعبية وبحيي ولاد بلدي السلام إنهم علموني الأصول، أنا جدع في الحقيقة فلما جالي دور شبهي كنت مبسوط".

عنبه: يسرا مريحة ولذيذة ووش الخير عليا

وأضاف عنبه: "الوقوف أمام يسرا صعب على أى حد بس هى إنسانة جميلة ومريحة جدًا ومصعبتش علينا أى حاجة وكل حاجة مشيت تمام، وهى عارفة إننا أكيد قلقانين من الوقوف قدامها بس هى كانت لذيذة قوي، وقولتلها مستني اليوم اللي أقولك فيه إنك وش الخير عليا لكن انتى كده من دلوقتي، وقالتلي إنت جميل وتلقائي وربنا هيكرمك".

أما عن مشاركته مع مايان السيد، تابع: "محضرناش أى حاجة مايان جميلة وشاطرة وطريقة كلامها ألذ حاجة حصلت، وأنا عملت رد الفعل الطبيعي لواحد من منطقة شعبية قابل واحدة جايه من بره"، وعن غنائه تتر المسلسل، قال: "التتر ده اتعمل بعد تصوير 15 حلقة".

أبطال مسلسل 1000 حمد لله على السلامة

مسلسل "1000 حمد لله على السلامة" بطولة الفنانة يسرا، شيماء سيف، آدم الشرقاوي، مايان السيد، محمد ثروت، عنبة، سما إبراهيم، أحمد عبد الوهاب، أوتاكا، وغيرهم من الفنانين، والمسلسل من إخراج عمرو صلاح.