نجل محمد ثروت: فقدت الحركة في 30 دقيقة.. وسحبو سائل من المخ بدون تخدير

كشف أحمد ثروت نجل الفنان محمد ثروت تفاصيل رحلته في العلاج من المرض، مؤكدًا أنه فقد الحركة نهائيا خلال 30 دقيقة، موضحا بأن قرار سفره للعلاج في ألمانيا كان قرار الطبيب لخطورة حالته الصحية.

نجل محمد ثروت: فقدت الحركة في 30 دقيقة.. وسحبو سائل من المخ بدون تخدير

وقال نجل المطرب محمد ثروت في لقائه مع الإعلامية منى الشاذلي في برنامج معكم منى الشاذلي على قناة on e : كنت بعمل بعدها شغل لعميل فاكتشفت إني كحيت نقطة دم وبعدين جيت أمشي لاقيت كأني ماشي على سفنجة أو جيل ومفيش اتزان خلاص،، والمرض دا سريع جدا لدرجة مش عادية ففي ظرف 30 دقيقة كنت فاقد للحركة نهائيا، ووقتها كنت سايق العربية لاقيت عيني الشمال قفلت.. وروحنا المسشفى ولم يتم تشخيصي كمريض مناعة ولك شخصوا في الأمر كبداية كجلطة ومحدش توقع نوعية المرض دي.

وعن قرار سفره لألمانيا أكد أحمد ثروت على انه كان قرار الطبيب وليس قراره الشخصي، معلقا :" قرار سفري لألمانيا مكنش قرار العائلة بس كان قرار الطبيب.. بحيث لو توافرت بروفسيرة معينة بمواصفات معينة لعلاج هذه المتلازمة لازم نروجلها.. لان المشكلة في ندرة المرض فـ كان لازم حاجة تتعمل أول ما وصلت وهي إنهم ياخدوا سائل من المخ بدون تخدير.. والسائل الخاص بماء المخ فيه التاريخ الخاص بالجسم كله الللي محتاجينها عشان يشخصوا المرض..، فكانت ربع ساعة حقنة حديد في الظهر وكانت صعبة جدًا"..

واستكمل: كنت بسمع نفسي متأخر وقعدت أول شهرين مش موجود.. ومش واعي للدنيا لكن كل اللي أنا فاكره مبحبش حد يساعدني نهائيًا لان نظرة الشفقة فيها عاطفة مريحة الانسان بيتغذى عليها لكن فيه اهتمام يضر.. لو كان حد دخلي الحمام مكنتش هقوم مرة أخرى وزحفت كل يوم للحمام.. الانسان فعلا ضعيف ولما بيستقوى على الدنيا ربنا بيعلمه".

اقرأ أيضًا.. انهيار محمد ثروت على الهواء بسبب ابنه