«بيقولي إيفيهات».. فريدة سيف النصر تكشف كواليس تعاونها مع أحمد عز في فيلم فرقة الموت
كشفت الفنانة فريدة سيف النصر عن كواليس تعاونها مع الفنان أحمد عز في فيلم فرقة الموت إلى جانب حديثها عن الشخصية التي تقدمها في العمل وعرضها للصور الأولى من الكواليس، مشيرة إلى أن اللوكيشن ملئ بالحديث عن أحداث غزة ولكن هذا عملهم، قائلة: " كلنا في الشغل مالناش سيره غير غزة والعيال، بس ده شغلنا".
كتبت فريدة سيف النصر عبر حسابها على "انستجرام": "المعلمة قشطه، في فيلم فرقة موت مع الجمال والأدب السوبر ستار أحمد عز، سعيدة إني بتقابل مع جيل جديد اتفاجأت أن عز عارف شغلي وهو بيتفرج عليا وأنا باصور عمال يشكر فيا، والأحلى مدير التصوير هو بتاع بدون ذكر أسماء".
اقرأ أيضًا: موعد عرض فيلم «فرقة الموت».. مفاجأة في شخصية أحمد عز
فريدة سيف النصر تكشف كواليس فيلم فرقة الموت مع أحمد عز
وعن كواليسها مع أحمد عز، قالت: "عز اتكلم على نور الشريف بحب وإني محظوظه إني عملت معاه أهم أعمالي وهو عمل معاه واهتم بيه، ومحمود عبدالعزيز وجماله وقد ايه بيحبهم وكان نفسه يشتغل مع عاطف الطيب أنا عملت جبر الخواطر معاه وخدت جائزه من نادر جلال أنا بجد بحمد ربنا محظوظه في الجيل اللي حضرته نجوم مش هتتكرر اتعلمت علي ايديهم، والجيل ده بتاع عز وانا كبيره، عندنا أجيال هتكمل بجدارة".
وأضافت فريدة سيف النصر: "فيلم فرقة الموت بطولة أحمد عز، آسر ياسين، منه شلبي، أمينة خليل، والسوبر ستار محمود حميدة، والعمل من إنتاج هشام عبد الخالق، وإخراج أحمد علاء، مفيش شعور أجمل من إنك تشتغل مع ناس فرحانه بيك ومخرج عارف امكانياتك ويسيبك تبدع، هقول لكم علي حاجه تجنن ..تخيلوا أحمد عز ممكن يعمل كوميديا، بقي يقول لي افيهات قسما بالله حلوة، يارب ينجحوا كلهم ويكسروا الدنيا".
