«فيه آيات صريحة قالت الخلاصة».. أحمد مكي يعلق على حرب غزة
علق الفنان أحمد مكي على حرب غزة، موضحًا أن ما يحدث من جيش الاحتلال الإسرائيلي وقتل للأطفال الأبرياء والسيدات يوجد في آيات بالقران الكريم والتي تكشف نهاية الصهاينة.
وقال أحمد مكي في مقطع فيديو نشره عبر حسابه الرسمي بموقع انستجرام، إن الله أرسل للمؤمنين آيات من القرآن تكشف ما يمر على البشر حاليًا، معلقًا: "وعد الله حق وعمره ما يخلف بميعاد أبدًا".
أحمد مكي يعلق على حرب غزة
وتابع: "إحنا لازم ناخد بالأسباب دلوقتي لأن الوقت حساس.. يا تاخد طريق الله يا تاخد طريق الشيطان.. فيه حديث عن النبي عليه أفضل الصلاة والسلام مبهر بصراحة، وهو بيوصف الحالة بالظبط يوشك الأمم أن تداعى عليكم".
واستكمل الفنان أحمد مكي مستعينًا بحديث النبي: "كما تداعى الأكلة إلى قصعتها، فقال قائلًا ومن قلة نحن (عن قلتهم) قال، بل أنتم يومئذ كثير، ولكنكم غثاء كغثاء السيل، تشبيه عبقرين الغثاء هو كل ما هو الشي اللي بيطفو فوق".
وأضاف: "ولينزعن الله من صدور عدوكم المهابة منكم، وليقذفن الله في قلوبكم الوهن. فقال قائل: وما الوهن، قال: حب الدنيا وكراهية الموت، والاتنين لا يجتمعوا في شيء واحد لأن الحب وكراهية الموت ربنا ما يكتبهمش أبدًا مع فكرة الإيمان لإن اللي عنده ايمان حقيقي من جواه هيكون حابب وبيتمنى أن يسشتهد في سبيل الحق والحق الله".
تصريحات أحمد مكي عن أحداث غزة
وتابع أحمد مكي قائلًا: "عايز أقول نقطة قبل تكملتي، عشان السوشيال ميديا بتاخد أي حاجة تقصها وتعمل منها أفلام بعيد عن الموضوع الحقيقي، وأنا لا بدعي إني رجل دين ولا مثالي.. أنا إنسان بسيط وأقل من البسيط بخطأ وأصيب وأكيد ليا أخطاء ندمان عليها وبدعي ربنا يغفر لي وربنا يهديني ويهدينا جميعا الناس كلها".
وقال أيضًا: "لما قعدت أبص وقرأت في الموضوع اكتشفت إن فيه آيات واضحة وصريحة قالت الخلاصة قالت النصر له شروط، هقرأ كام أية ليكم.. الأولى (كان حقا علينا نصر المؤمنين).. اتنين: (إن تنصروا الله ينصركم).. تلاتة: (إنا لننصر رسلنا والذين آمنوا في الحياة الدنيا)".
واستكمل الفنان أحمد مكي قائلًا: "النصر مقرون ومنسوب لله دايمًا في القرآن.. ودي حاجة أول مرة أكتشفها في مجموعة من الآيات وهي: (وما النصر إلا من عند الله).. اتنين: (إذا جاء نصر الله والفتح).. تلاتة: (والله يؤيد بنصره من يشاء)، هي واضحة كدا ومفيهاش أي كلا.. ربنا من رحمته بينا من قبل أحداث فلسطين أظهر لنا نذر كتير زي البراكين والخسوفات وأوبئة ومن رحمته إنه نزل النذر قبل الأحداث".
تصريحات الفنان أحمد مكي
وقال الفنان أيضًا: "إحنا وداخلين على حاجات عظيمة وواضحة واللي جاي لازم الإنسان يحدد فيه موقفه كأنها فرصة للإنسان ترجع للطريق السليم وقصدي هو طريق الله من غير أجندات، ولو طريق الله سليم مش هيكون فيه تنازع أو أحزاب.. بسم الله الرحمن الرحيم (وأطيعوا الله ورسوله، ولا تنازعوا فتفشلوا وتذهب ريحكم) صدق الله العظيم".
وأضاف أحمد مكي: "مفيش وضوح أكتر من كده الكلام واضح وصريح.. لو قاعد في بيتك وعندك شقة في بيت العيلة ودخل عليك مجموعة بلطجية وضربوك قدام مراتك واغتصبوا مراتك وخدوا فلوسك وعيالك استباحوا البيت، هل تقف تتكلم وتندد هل ده وقته الكلام ده، وهو لما يجتمع العيلة اللي في البيت يقعدوا يشتموا وينوحوا فيهم هل ده كافي، البلطجي معروف لازم يسحق ويباد".
اقرأ أيضًا: للمرة الثانية.. مجدي الهواري وأحمد مكي يجتمعان في مسرحية «صاحب السعادة»
واختتم: "أول رئيس وزراء مسك في إسرائيل من أول تصريحاته بمنتهى الصراحة والفجاجة والناس عدت الكلام ده عادي وما اتمسكش إنه إرهاب، بمعنى الكلام يعني قال قوتنا ليست في سلاحنا النووي ولكن في قدرتنا على تفتيت أكبر 3 دول عربية بالترتيب، وبيدخلوا على الباقي بعد كدا العراق سوريا ومصر وأغلب المخطط حصل بالفعل، ولما حصل في العراق نفس الموقف المخذي مفيش حد بيتدخل وسوريا نفس الكلام ولا أي موقف".
