محاولة اغتيال ”إيناس الدغيدي” في بيتها.. ماذا حدث؟
حلت المخرجة إيناس الدغيدي ضيفة على برنامج "أسرار"، الذي تقدمه الإعلامية أميرة بدر، ويعرض عير شاشة قناة "النهار"، وتحدثت خلال لقاءها عن محاولة اغتيالها على يد جماعة الإخوان، وكشفت عن العديد من أسرار حياتها الشخصية.
تصريحات إيناس الدغيدي في برنامج أسرار
في البداية؛ قالت الدغيدي: "الناس عايزة أي كلام تتكلم فيه، والنقاد مبيشوفوش أفلامي جريئة، وأنا طلعت في الزمن الصعب، وأفلامي وفترة نضجي كانت في الزمن اللي ابتدت مصر تتقفل فيه، كانت مفتوحة جدًا قبلها".
وتابعت: "لما الإخوان مسكوا أول حاجة فكرت فيها إني ألاقي مكان آخر ليا، وكنت هروح دبي، واتحطيت على قوائم الاغتيال من جماعة اسمها الوعد منبثقة من جماعة الإخوان، وكانوا أساتذة في الجامعات، والله يرحمه وائل الإبراشي جابلي 40 صفحة عن الجماعة دي".
استطرت: "كانوا حاطين رقم واحد حسني مبارك، واتنين شيخ الأزهر، وتلاتة أنا عشان بنشر الفسق والفجور، وكمان وحيد حامد وصفوت الشريف ونجيب ساويرس، ومكنتش حاسة بأي حاجة ساعتها".
تناولت الحديث قائله: "مرة حطولي في الجراج صورة السادات وعليها سلاح وكاتبين عليها المصير، يعني مصيري هيبقى كده، وسألت بتوع الجراج مين اللي حطها، قالولي منعرفش، وجوزي قالي بلغي البوليس، قلت له يمكن واحد أهبل مش عاجبه أفلامي، ومرة راجعة بالليل لقيت ملثمين دخلوا ورايا الجراج بموتوسيكل، أنا خوفت ومطلعتش من العربية".
اقرأ أيضا: إيناس الدغيدي: «الجمهور بيحب المشاهد الساخنة والفن مش حرام»
