المطرب مسلم يعلن مفاجأة بشأن علاقته بخطيبته السابقة.. ماذا قال؟
أعلن مطرب المهرجانات مسلم، تفاصيل عودته لخطيبته السابقة يارا، والتي انفصل عنها بعد أسبوعين فقط من إعلان الخطوبة.
مسلم يكشف عن تفاصيل عودته لخطيبته
قال المطرب مسلم خلال حواره ببرنامج "أسرار"، الذي تقدمه الإعلامية أمير بدر على شاشة "النهار"، إنه عاد مرة أخرى لخطيبته السابقة، مضيفا: "أنا خطبت بعد طلاقي بـ 7 أشهر، لأني حبيت من قلبي مش بعقلي واختيار قلبي".
وتابع: "والمرة اللي فاتت كانت اختيار الناس وأني أقعد في البيت واتجوز وممشيش غلط، وكلنا بنغلط وكلنا خطائين، واللي خطبتها من برا المجال ومحترمة ومن عيلة، واتظلمت معايا، وكانت بتستحمل، والناس افتكرت أنها اخدتني من طليقتي وابني".
واستكمل مسلم: "أنا معملتش حاجة غلط وعملت خطوبة زي أي بني آدم ومجرحتش حد طليقته بالخطوبة اللي عملتها، وراعيت مشاعرها وعمري ما هجرحها لأنها أم ابني، وكنا مطلقين ومش قايلين لحد، ولما بدأنا نشوف حياتنا قولنا نعلن عشان الناس تعرف، الناس قالت خطوة سريعة، ولكن حسيت مع خطيبتي بحاجات محستهاش مع اللي قبلها، حبيت أن ثقتي في نفسي زادت وقبل كده مكنتش عايش حياة".
وأعلن مسلم، عودته مرة أخرى لخطيبته بعد إعلانه فسخ الخطوبة، وعلق قائلا: "ده تسرع مني وأنا اللي نزلت إننا فركشنا وفي ناس قالت بغيظ طليقتي ولا محتاجة أعمل تريند عشان اتشهر، بندم اني عرفت للناس تفاصيل حياتي الشخصية بس اتعلمت، وأنا بني آدم عايز أحب وأعمل أسرة وحياة".
اقرأ أيضا: بعد أسبوعين فقط المطرب مسلم يعلن انفصاله عن خطيبته
