المطرب مسلم: ”عندي شهوة الفلوس ولبسي الغريب من متطلبات شغلي”

وتحدث مطرب المهرجانات مسلم، خلال حواره في برنامج "أسرار" الذي تقدمه الإعلامية أميرة بدر، عبر شاشة قناة "النهار"، عن حبه للملابس الغريبة والمثيرة للجدل.

وأعرب مسلم قائلاً: "كان نفسي في حاجات قبل ما اتشهر، وبقيت مدمن لبس و24 ساعة في زارا، وروحي فيه، وفي حاجات بجيبها من بره، وزارا بجيب منه لبس اجمد من جوتشي وديور، وانا بعشق اللبس، وبشتري ب 200 ألف في الشهر لبس".

وتطرق بحديثه عن الملابس الغريبة، قائلا: "يوم الخطوبة لبست شيفون عشان مختلف وبحب الحاجة الغريبة، وطلعت في حفل العلمين بكروب توب، وبحب الحاجات المجنونة دي والهجوم نجاح، والعرق الصعيدي ده للحاجات التانية، وبحب الموضة لكن عمري ما ألبس حلق ولا أدق وشم، ولبسي الغريب متطلبات شغلي لكن مش بمشي بيه في الشارع".

مسلم: "بحب الفلوس أوي"

وعن علاقته بالفلوس، قال مسلم: "عندي شهوة الشغل والفلوس، وأنا مدير أعمالي، وبحب الفلوس أوي، الفلوس بتعمل كل حاجة، وقادرة تخلي الناس اللي مكانتش بتبصلك، تبصلك، وعشان انا متربي تربية مش شبه الجيل ده أنا واللي شغالين معايا، وبالنسبه لي الفلوس مش كل حاجة، لكن دلوقتي بقيت اعتمد أن الفلوس كل حاجة".

وأردف: "شوفي كام واحد قال الفلوس مش كل حاجة لما مسك فلوس بقى إيه، ناس كتير اتغيرت، أصل منغير فلوس هنعمل إيه، لو مشتغلش على نفسي واتعب وأجيب فلوس واتطور واطلع وأركب أحسن عربية وأسكن في أحسن بيت وألبس أحسن لبس، الناس أكيد مش هتعمل لك حساب".

اقرأ أيضا: المطرب مسلم يعلن مفاجأة بشأن علاقته بخطيبته السابقة.. ماذا قال؟