صلاح عبد الله يثير الجدل: ”أرفض ارتداء بناتي للنقاب لأنه زي مش إسلامي”

حل الفنان صلاح عبد الله ضيفا على الإعلامية أسما إبراهيم في برنامجها الرمضاني "حبر سري" المذاع عبر قناة "القاهرة والناس"، وتحدث خلال لقاءه عن رفضه ارتداء بناته النقاب.

تصريحات صلاح عبد الله

وأعرب الفنان صلاح عبد الله، قائلا: "أنا عارف إن دا هيعملي مشاكل مع المتعصبين، ممكن بعد كدا أتراجع ولكن لغاية اللحظة دي، يعني إيه مقدرش أميز راجل عن ست، وليه لما الكهربا تقطع وألاقي حد اتخض لأنه كتلة من السواد، الحكاية دي بتعمل حساسية عند بعض الناس وهيشتموني بس دا لغاية دلوقتي قناعتي".

وتابع: "النقاب مش زي إسلامي والله أعلم، وصعب عليا أن بنت من بناتي تيجي تقولي أنا عايزة ألبس الحجاب وهرفض ولو عملت اللي في دماغها هتبقى مشكلة، هحاول أقنعها وأقولها اتحجبي، وأنا مش مربي بناتي على كدا هما ملتزمين ومحتشمين".

وفي اللقاء ذاته، كشف الفنان صلاح عبد الله عن كرهه الشديد لبرامج المقالب، وقال: "أكره المشاركة في برامج المقالب، ولكن شاركت في بعض برنامج المقالب زمان بس بسيطة وخفيفة ودلوقتي لا خلاص، وهما حاولوا معايا وأنا اعتذرت بكل حب وبكل أدب ودا أكتر برنامج في مصائب وكوارث، هي سبوبة حلوة بس أنا مقدرش وكنت أتمنى عشان سبوبة حلوة".

اقرأ أيضا: صلاح عبد الله: «موقف مصر واضح من القضية الفلسطينية»