إيناس الدغيدي تثير الجدل بتصريحتها: ”ما يهمنيش الحجاب فرض أو لا”
حلت المخرجة إيناس الدغيدي، ضيفة على برنامج "أسرار" مع الإعلامية أميرة بدر، والذي يذاع على شاشة قنوات "النهار"، وكشفت خلال حوارها عن علاقتها بربنا وعن الشيوخ التي تستمتع لهم وعلاقة دراستها للطاقة بالأمر.
وقالت إيناس الدغيدي: "عندي أفكار معينة عن ربنا، وقلت قبل كده العلاقة بيني وبين ربنا اللي بتاخدها الناس باستهزاء، الناس واخدة جرأتي إني متكلمش عن ربنا عشان الحتة الدينية، وعلاقتي قوية جدًا بربنا، وكل يوم بشكر ربنا رغم إني مش متدينة".
وتابعت: "وعندي جملة خدتها من علم الطاقة، وأنا بدرس طاقة أونلاين والجملة هي، اللهم إني أحبك فأحببني فيك أكثر ياالله، الجملة دي ممكن أعيط فيها، بقولها طول مأنا سايقة لوحدي لأني بحب أسوق، بحس إني في علاقة بيني وبين ربنا، عشان كل اللي بيتقال عليا".
وأضافت: "ومبسمعش شيوخ، ولو سمعت مبديلوش أي اهتمام، ووالدي طول حياتنا كان بيكلمنا في الدين، وكان رجل متفتح ومن طفولتي بتعلم دين، وحجيت مرتين وعملت 30 عمرة، وأول مرة رحت حسيت بحاجة غريبة لكن بعد كده بتبقى طقوس أكتر من إحساس".
وأردفت: "ومدعيتش عشان كنت بعيط، وطلبت الشهرة والفلوس والمجد، وعمري ماندمت على أي حاجة صرحت بيها ومش ندمانة على أي فعل، بما فيهم الأفعال اللي مش كويسة في نظر الناس، الخطأ والصواب بنتعلمه، ومش ندمانة على تصريح الحجاب، ووالدتي ماتت 80 سنة ومش محجبة ومش معناه أنها مش كويسة، والدين متدين جدًا وكنا نلبس ميني جيب، وأنا في الحج رحت بشعري وأول ما نزلت هناك اتحجبت ومكنتش طايقة، مبهتمش أشوف فرض ولا لاء، المهم أنا عايزة ولا لاء، وعملت الخط بتاع الحجاب ده في فيلم امرأة واحدة لا تكفي".
اقرأ أيضا: محاولة اغتيال ”إيناس الدغيدي” في بيتها.. ماذا حدث؟
