ميدو يطالب بتخفيض مرتبات اللاعبين والمدربين المصريين.. اعرف السبب
طالب أحمد حسام ميدو، لاعب الزمالك ومنتخب مصر السابق بضرورة وضع سقف لتعاقدات اللاعبين والمدربين في الدوري المصري.
وكتب ميدو عبر حسابه الرسمي عبر "تويتر":" أكثر حاجة لازم الدولة تتعلمها إن لازم يحصل تعديل في الموازنة العامة لازم الصحة والتعليم يتخصص لهم نسبة اكبر بكتير، لازم يتم تخفيض عدد الموظفين الحكوميين لازم الفلوس اللي بتتصرف على الكورة والإعلام والفن يتم تخفيضها بشكل كبير!! لازم بتعمل سقف مرتبات للاعبين والمدربين والاعلاميين".
وأضاف، مدرب الزمالك السابق: "ماينفعش العاملين بالقطاع الصحي والقطاع التعليمي يبقوا بيعانوا واللاعبين والمدربين والإعلاميين والفنانين بيتقاضوا مئات أضعافهم.. وهنا الموضوع مش موضوع أرزاق.. موضوع عدل!! لازم يبقى في نسبه وتناسب.. لازم نستغل الظروف اللي بنمر بيها وحاجات كتيره تتعدل!!".
واختتم ميدو :"لازم الوزير أشرف صبحي وعمرو الجنايني يشتغلوا أه مفيش عقد لأي لاعب أو مدرب يتم اعتماده الا بسقف معين يزيد كل 3 سنوات السقف ده 15 ٪.. الأندية المصرية كلها بلا استثناء بتخسر ملايين.. وايه العائد؟ مفيش اي عائد!! دوري تعبان من غير جمهور بيفرز 2 او 3 لاعيبه مميزين كل موسم!!".
اقرأ أيضًا: رئيس الزمالك: سأعتبر الدوري ”ملغي” إذا لم يحدد اتحاد الكرة موقفه قبل 14 إبريل
وتشهد الفترة الحالية توقف لمباريات الدوري المصري الممتاز بسبب فيروس كورونا المستجد، وذلك كإجراء احترازي لمنع تفشي الفيروس.
