ريهام سعيد تتعرض لهجوم عنيف بسبب ردها على متابع يطلب المساعدة (فيديو)
شاركت الإعلامية ريهام سعيد متابعيها وجمهورها بفيديو جديد لها نشرته عبر صفحتها الرسمية بموقع تبادل الصور والفيديوهات "انستجرام".
وظهرت ريهام سعيد في الفيديو الذي حمل عنوان "اعترافات ليلية.. غلطت كتير"، موجهة رساله لمتابعيها وجمهورها قائلة: "أي حد لازم نعامله برحمة، وإحنا مش معصومين من الغلط، إحنا الفرق بينا يا جماعة إن في حد مستور وحد ربنا كشفه، لكن إحنا في الآخر كلنا عندنا غلطاتنا، وفينا عيوب".
وتعرضت ريهام سعيد لهجوم شديد خلال الساعات الماضية بسبب تعليقها على أحد متابعيها الذي طلب المساعدة المادية من خلال خاصية التعليقات، حيث كتب: "ممكن ألاقي حد يساعدنا حتى البقال اللي باخد منه مرضاش يدينا تاني يا ناس، والله العظيم أنا والبيت كله مش معانا ولا جنيه ومش عارفين بكرة هنعمل ايه، 5 بني آدمين في رقابتي وكمان داخلين على رمضان وأنا بعول، وليا شهرين قاعد".
لتفاجئ ريهام سعيد الجميع بردها عليه حيث قالت: "ماعندكش أكل وعندك فلوس لرصيد عشان النت؟"، لتلقى العديد من التعليقات التي تنتقدها وتهاجمها حيث قال أحدهم: " أما السائل فلا تنهر، متظلميش حد علشان متاخديش ذنب حد".
