زوجة لمحكمة الأسرة: جوزي السبب فى إدماني

"جوزي السبب فى إدماني، مريض نفسي، أنا مش عاوزاه هيموتني"، هكذا وقفت زوجة أمام محكمة الأسرة تصرخ مطالبة بالخلع، بعد زواج 6 سنوات، عاشت معه ينهشها الإدمان.

اقرأ أيضًا: شهيد شهامة جديد.. عزبة الهجانة تبكي حبيشة ”مش هنسيب حقك”..والأم: ابني اتقتل عشان مالناش ضهر

قالت الزوجة فى دعواها أمام محكمة الأسرة بالتجمع الخامس: "عمري ماتخيلت إن دي هي أخلاقه، وإنه هيتعمد إهانتي فى كل وقت ويضربني ليل ونهار، بسبب غيرته العمياء، ومكفاش كل ده، كمان كان السبب فى إدماني، ودي كانت أكبر كارثة فى حياتي، لما اكتشفت إنه بيحطلى مخدرات فى العصير".

وواصلت الزوجة فى دعواها التي تحمل رقم ٢٠٣٠، لعام ٢٠٢٠ أمام محكمة الأسرة : "جوزي شكاك، لو ابتسمت وأنا ماشية معناها إن فيه راجل بصلى وضحكتله، دايما شايفتي سلوكي سيء، ولما طلبت الطلاق هددني يقتل ابني، ولأنه مدمن خوفت فرجعت البيت بعد ما اتنازلت عن قضية الخلع".

وأضافت الزوجة أمام محكمة الأسرة بالتجمع الخامس: "لما رجعت بدأت قصة جديدة تماما، كانت قصتي مع الإدمان، بدأ يحط المخدرات فى العصير والأكل من غير علمي، وبعدها بدأ يحبسني فى البيت ويخليني أتعاطي المخدرات بالعافية، ومكنتش بقدر أوصل لأهلى ولولا الجيران كان زماني فقدت حياتي".