زوجة الشهيد شبراوي: ”حاسه أنه ممكن يدخل علينا دلوقتي”.. ونجله: ”كنا بنلعب كورة سوا”
قالت ندى حسن زوجة الشهيد الرائد أحمد الشبراوي، عن زوجها الراحل والذي حلت ذكره استشهاده أمس الثلاثاء، إنها تشعر أنه ما زال معهم "بحس إنه معانا وحاسس بينا وكنت حاسة إنه معانا يوم ميلاد بنته ويوم ما دخل عمر ابنه المدرسة وعلى قد ما أنا مفتقداه على قد ما جوايا يقين إن روحه حاضرة قوي".
وأثنت "حسن" على شخصية الشهيد الراحل: "كانت روحه جميلة قوي وشخص مش وجوده سهل يتنسي وكان شخصية ليها حضور وروح وله روح مميزة في البيت" لافتة إلى أنهم أحيوا اليوم ذكراه وختموا القرآن على روحه: "كلنا جوانا إحساس إن أحمد ممكن يدخل علينا دلوقتي".
اقرأ أيضًا: ”الصحة”: تسجيل 1057 حالات إيجابية جديدة لفيروس كورونا.. و 67 حالة وفاة
وأضافت خلال مداخلة عبر "سكايب" مع الإعلامية ريهام إبراهيم في برنامج "من مصر" المذاع عبر فضائية "cbc": "عمر لما باباه استشهد كان عنده 4 سنين وكان الموضوع صعب جدا عليه وكان بيسأل عليه باستمرار ودايمًا يسألني عن باباه ونفضل نحكي عن باباه وكل حاجة في حياتنا بحاول أربطها بأبوه".
فيما قال عمر الشبراوي نجل الشهيد: "أنا كنت مبسوط وكنا بنلعب مع بعض أنا وبابا وبنخرج مع بعض وبنلعب كورة مع بعض وبنقعد مع بعض".
