أحمد حسن عن ضياع كأس 2010: في 3 مجالس مروا على اتحاد الكرة ومحدش خد باله
تحدث أحمد حسن قائد المنتخب الوطني الأسبق، عن واقعة فقدان كأس الأمم الأفريقية نسخة 2010، قائلًا: "معرفش الكأس فين وده ينطبق عليه مثل يا قاعدين يكفيكوا شر الجايين".
وقال "حسن"، خلال مداخلة هاتفية مع الإعلامي عمرو أديب في برنامج "الحكاية" المذاع عبر فضائية "mbc مصر أن صورته مع الأربعة كئوس غير حقيقية وأنها مجرد ماكيت موجود في منزله".
وتسائل أحمد حسن مستنكرًا: "إحنا أخدنا آخر كأس أمم سنة 2010، والغريب جايين يدوروا عليه دلوقتي وفيه 3 مجالس اتعاقبوا على بعض، ومحدش فتح الموضوع ولا فتح القصة دي إلا مؤخرًا".
اقرأ أيضًا: التعليم العالي تنفي إعادة فتح باب تنسيق المرحلة الأولى للجامعات
وعبر "الصقر" غضبه بسبب الزج باسمه في الموضوع: "اللي زعلت منه أن الكابتن أحمد شوبير إمبارح والمفروض أنه إعلامي قدير وكابتن كبير، والمفروض لا يزج باسمي، ويقول الكاس ضايع ميقولش عند أحمد حسن".
وتابع: "بقالنا 10 سنين محدش فتح الموضوع ده والكابتن شوبير كان نائب رئيس الاتحاد وكان متواجد في مجلس إدارة المهندس هاني أبوريدة"، متسائلًا: "ليه متكلموش في الموضوع ده وبيقولوا إن فيه كاس ناقص وأن فيه أزمة وليه فتحوا الموضوع دلوقتي".
