زوجة تصرخ في محكمة الأسرة: بيهددني بالساطور عشان طلبت الطلاق
"عاوز يدبحني عشان طلبت منه الطلاق، ماسك الساطور ومصمم لو شافني يقتلني"، بتلك الكلمات وقفت الزوجة تصرخ أمام محكمة الأسرة بعابدين، تطلب الخلع.
15 عاما هما عمر زواج "أسماء" تعرضت فيهم لكل أنواع الإهانة والابتزاز على يد زوجها، فقد سرق أموالها ومصوغاتها الذهبية بسبب طمعه وجنونه، إذ قالت: "كنت فاكرة إن ربنا عوضني عن موت أبويا بجوزي، وهتجوز واحد مش طمعان في فلوسي، بس طلع مصدر الألم الوحيد في حياتي، متخيلتش عمري إنه هيتجنن كده، بس كان فات الأوان وخلفت بنتين".
وتابع: "كل مرة اشتكيت فيها منه، ابتزني عشان أدفع فلوس عشان ينصلح حاله، وكنت بقنع نفسي بمبررات كتير إنه هيتغير، بس الراجل اللي مش بيتكسف يطلب من مراته نص المرتب ويسرق ميراثها ويهددها بالساطور عمره ماهينصلح حاله".
وقررت الزوجة إقامة دعوى خلع، بعد رفضه تطليقها وديا، ولا تزال القضية منظورة أمام محكمة الأسرة تنتظر الحكم.