ميدو يتحدى جماهير الزمالك: ”لو شوفت الخطيب كل يوم هروح اتصور معاه”
واصل أحمد حسام ميدو نجم الزمالك السابق، الرد على جماهير الزمالك بعد الهجوم الذي تعرض له عقب صورته بجوار محمود الخطيب رئيس مجلس إدارة الأهلي.
وتعرض "ميدو" لهجوم شرس من قبل جماهير الزمالك، بعدما نشر صورة عبر حسابه الشخصي على موقع التدوينات القصيرة "تويتر" وعلق عليها: "في البحر مع بيبو".
ورد نجم الزمالك للمرة الثانية على الجماهير حيث كتب: "على فكره لو شوفت محمود الخطيب كل يوم كل يوم هروح اتصور معاه، وده اللي اتربيت عليه اني احترم الكبير وأقدره واحترم الناس اللي عملت تاريخ وده اللي بعلمه لأولادي انهم يحترموا الكبير ويحترموا اي حد اجتهد واخلص لبلده ولعائلته".
التوضيح الأول لميدو
وكان ميدو قد نشر فيديو ليرد على انتقادات الجماهير، حيث قال: "الرياضة آخر حاجة فيها تخلينا نكره بعض، أنا راجل زملكاوي وبفتخر وبعتز بيها، لكن محمود الخطيب أسطورة لما أشوفه طبيعي أتصور معاه مش معنى كده أنه عيب، أه عندي تعليق على طريقة إدارة الخطيب وحسن حمدي".
وتابع: "لكن مش معنى كده إني لما أشوفهم مسلمش عليهم، الراجل محمود الخطيب أسطورة، هل لو حسام غالي شاف حسن شحاتة أو فاروق جعفر واتصور معاهم هيكون خاين".
اقرأ أيضًا: الخطيب يكشف سبب بكائه بعد التتويج بدوري أبطال إفريقيا
واختتم: "عيب الناس اللي بتشتم أنا مقدر أن فيه متعصبة لكن مش للدرجة دي إحنا في الآخر مصريين وإخوات بس لازم نرجع عاقلين، جوه الملعب نحارب على فريقنا، لكن خارج المعلب خلاص كلنا واحد".
