”كان في إعدادي وقت الجريمة”.. والدة متهم في”الفيرمونت”: ”ابني فتح عينه على الدنيا لقى نفسه وسط السوابق”
نشرت والدة أحد المتهمين في قضية "فندق الفيرمونت"، التي آثارت الرأي العام، خلال الفترة الماضية، واغتصاب فتاة في حفل جنس جماعي تحت تأثير المخدر عام 2014، عبر حسابها على موقع التواصل الإجتماعي الفيسبوك، قائلة: " معلش أنا اسفة اني هزعجكم معايا ويمكن البعض لاقي اني مختفيه شوية من علي فيس بوك، والحقيقة مكنتش ناوية اني ازعجكم بس الحقيقة إن طاقتي استنزفت وحسيت إني محتاجة أفضفض شوية مع الناس اللي أنا واثقة أنهم علي الأقل عارفيني وعارفين أصلي وفصلي".
اقرأ أيضا: ”تعالى يا ابني نروح أنا نظري على قدي”.. كيف قُتل ”عم رمسيس” وسط الشارع في الورديان؟
وأضافت في منشورها: "حاسه اني مقهورة أوي، أنا عمري ما اتعرضت للظلم وبالرغم من كده مقدرش استحمل حد يتظلم قدامي وأسكت وبحس أنه أي حد بيكون مظلوم كأنه أنا.. بكره إن حد يتهان أو يتقهر بعتبر إن دي أقصى حاجة ممكن تحصل لأي بني أدم .. وواثقه إن لو في حوالينا ظلم كتيير يبقي اكيد ها يوصلي بس ده كان شعور بعييد عن خيالي ، وفجأه و في لحظة ابني سيف اتخطف مني جالي القهر والظلم في ابني مش فيا أنا".
اقرأ أيضا: ”تعالي اقعدي معايا لغاية الصبح”.. أين كانت قاصر أوسيم المتزوجة عرقياً بعلم أسرتها؟
وأوضحت عبر حسابها: "كل حد فينا بيربي ابنه علشان يطلع أحسن منه ويبقي فخور بيه .. قوم ابني يكون متواجد مع إحدي الشاهدات في قضية الفيرمونت وبالصدفة يتم استدعائها فيروح يوصلها وبقدرة قادر بقي أحد المتهمين في القضية، مشيرة لا حضر الواقعه وكان طفل في إعدادي وكان عايش برا الـ 3 سنين اللي فاتوا ولا يعلم شيء عن القضيه غير من السوشيال ميديا ولما ابتدأ سيف حتي يشير الموضوع بدأ ببيانات النائب العام وفخور بأن العدالة ها تتحقق وإن أي حد غلط هيتحاسب، فأصبح سيف جوه القضية في يوم و ليلة".
اقرأ أيضا: ”في حضرة السيدة زينب”.. قاصر أوسيم دعت لزوجها العرفي وعجوز اصطحبتها لمنزلها
وتابعت: "حد يصدق كده، والله وأنا بكتب ما مصدقه، وهقدر أي حد ما يصدقش ما هو فعلا شيء لا يصدق.. سيف بقاله أكترمن 100 يوم محبوس إحتياطي لا أعرف تهمته إيه اللي محبوس بسببها ولا أعرف ليه اتاخد ولا امتي هيخرج ولا أعرف ليه بيتجدد حبسه.. طبعا المحاميين بيعملوا كل حاجة علشان يوصلوا لايه اللي مخللي سيف وسط المتهمين وًالقضيه اللي مالووش دعوه بيها، طبعا إستنفذت كل الوسائل والاتصالات والمحاولات لاني أفهم الوضع ايه .. مافيش إجابة، سيف لا هو شاهد ولا متهم ولا حد اتهمه بأي حاجة بل إن كل حد بيقوله انت إيه اللي جابك هنا أساسا ... والله ده اللي بيحصل".
اقرأ أيضا: ضربها بـ”البوكس”.. حقيقة التحرش بفتاة سودانية في إمبابة
وواصلت: "كتبت يمكن صوتي يوصل للمسئولين أصحاب الضمائر والقلوب السليمة واللي أنا واثقه إنهم كتيير بنادي عليهم يسمعوا بس صوتي صوت قلب أم مقهورة مسجونه مع ابنها وهي حرة طليقه بتلف حوالين نفسها بتحارب بأقصي طاقة عندها بتنحر في الجبل علشان تطلع ابنها اللي لسه بيفتح عينه علي الدنيا لقي نفسه وسط أرباب السوابق والمجرمين، ولد شاب متفوق في عز شبابه بيشوف امه كل أسبوع ربع ساعة من وراء السلك .. متخيلين قهرتي وحسرتي ووجع قلبي".
وإختتمت: "سامحوني إذا ضايقتكو وكل واحد عنده اللي مكفيه وزيادة ... بس كنت حسه اني همووت عايزة أطلع بس أو انفس عن حاجة بسيطة من اللي جوايا، بتمني ياخدوني أنا مكانه يخرج هو للحياة.. أنا مش عايزة حاجة مش هعيش قد ما عشت بس افرجوا عن سيف ..افرجوا عن سيف.. أعذروني إن الكومنتس أنا عاملاها hidden مش هاشوفها معلش متزعلوش مني مبقتش قادرة استحمل كلمات المواساه والصبر، كل اللي بتمناه صوتي يوصل يارب يوصل".
