”لما بحب البنت بتجوزها”.. أحمد الفيشاوي يكشف عن زيجاته الـ 5 وأسراره مع هيفاء وهبي
حل الفنان أحمد الفيشاوي ضيف برنامج "ليلة الخميس" الذي أذيع عبر شاشة قناة mbc مصر مساء أمس، وأثار جدلًا كبيرًا بتصريحاته وجرأته حول زيجاته.
وقال أحمد الفيشاوي: "يوم الخميس في المدرسة بتبقى ليلة مميزة علشان بكره مفيش دراسة، وفي سن المراهقة اختلف الموضوع لأن الواحد بيبقى عايز يعيش حياته لكن بعد الجواز بقى فيه استقرار.. لكن الجواز مش بيرتبط معايا بيوم الخميس ولكن أنا بحب مراتي دلوقتي وما حبتش حد قدها".
وتحدث عن زيجاته السابقة قائلًا: "أنا بتجوز أما أكون متأكد من حبي للبنت اللي هتجوزها.. أنا أتجوزت خمس مرات قبل كدة من سوريا وألمانيا ومصر ولم أتزوج من لبنانية علشان كده ما أقدرش أحكم على اللبنانيات".
وعن إثارته الجدل أثناء حضوره المهرجانات السينمائية برفقة زوجته حيث قال: "الأمر يأتي بالصدفة وليس مرتب له على الإطلاق".
اقرأ أيضًا: رامي عياش يتراجع بعد الهجوم عليه بسبب قضية زواج القاصرات
وأضاف "الفيشاوي" خلال حواره التلفزيوني أنه يحب الفنانة هيفاء وهبي أكثر من كيم كارداشيان، موضحًا أنه يشاركها البطولة في فيلم "أشباح أوروبا" برفقة باسم سمرة ومصطفى خاطر وأروى جودة، وقال أيضًا: "أعرف هيفاء وهبي من زمان لكني لم أشترك معها في أي أعمال من قبل وبحبها جدًا من زمان".
وتابع: "ولما اشتغلت معاها شوفت حاجة غريبة جدًا إنها بتقعد 5 أو 6 ساعات تشتغل مبتطلبش مرايات، ولما حد يطلب منها ميك آب بتستعجب كمان لقيتها بتحب تصور على طبيعتها.. وبتبقى سايبة شعرها ومفيش ميك آب".
