”مفاجأة في ليلة الدخلة”.. نجوى تطلب الطلاق بعد 24 ساعة زواج

شهدت محكمة الأسرة بالكيت كات، إقامة دعوى طلاق من ربة منزل تدعى "نجوى"، والتي لجأت للمحكمة بعد ليلة واحدة من زواجها.

وقالت "نجوى" عن سبب رفعها الدعوى: "مكنش عندي أي شك إنه ممكن يكون متجوز"، حيث وجدت نفسها ضحية تصديق مشاعرها لتقف أمام المحكمة قائلة: "حبينا بعض سنين ومحاولتش أتأكد منه ولا اسأل عليه، وده سوء تصرف مني ومن أهلي، لأنه كان مرتاح ماديا وده شجعهم يوافقوا على طول، وده اتسبب اني رفعت قضية طلاق بعد ليلة الدخلة".

وواصلت: "انتهى حفل زفافنا بالذهاب إلى المنزل، حتى اعترف لي بزواجه من سيدة أخرى، وفي ليلة الدخلة وبمنتهى الهدوء، قالي أنا متجوز عليكى وهاجيبها تعيش معاكي هنا، ومرضتش أقولك قبل الجواز علشان خفت تبعدي عني، لكن دلوقتى خلاص لازم تقبلي الأمر الواقع".

اقرأ أيضًا: شاب أمام محكمة الأسرة: مراتي ضربتني أمام أهلها بعد 18 يوم زواج

وأضافت نجوى: "افتكر إني هوافق أبقى زوجة تانية"، ورفضت الزوجة قبول حديث زوجها واعتقاده بموافقتها على زواجه من أخرى وخاصة بعد كتب الكتاب: موضحة:"كان فاكر إني هرضى بالأمر الواقع وهوافق إني أكون زوجة تانية بس أنا رفضت وطلبت الطلاق ليلة الدخلة، رغم إني كنت بحبه جدا، بس كلامه أكدلي إنه عمره ما حبني ولا يعرف يعنى إيه حب".