هل يقدم مصطفى شعبان وعمرو سعد الجزء الثاني من ”ملوك الجدعنة” (فيديو)

حل النجمان مصطفى شعبان وعمرو سعد بطلا مسلسل "ملوك الجدعنة" ضيوف الإعلامي عمرو أديب ببرنامجه "الحكاية" المذاع عبر شاشة قناة mbc مصر الفضائية.

وتحدثا الثنائي عن رأيهما في فكرة عمل جزء ثاني من مسلسل "ملوك الجدعنة"، حيث قال مصطفى شعبان: "أنا دايما بدوّر على الموضوع المقنع بغض النظر عن مدى بساطته أو تعقيده، المهم إنه يكون موضوع مقنع.. يطلع الجزء التاني مقنع يبقى هنعمله، يطلع موضوع تاني خالص يبقى أحلى لسه بنشوف، بس أنا مش ممانع".

ومن جانبه قال عمرو سعد: "أنا بخاف شوية.. الحمد لله رب العالمين، يمكن أنا والراجل ده لا نجيد الكلام عن نجاحنا، مبنحبش نتكلم عن الأرقام والحاجات دي خالص، وبنتكسف نقولها، برغم إنها حلال مش مدفوعة الأجر.. طبعا لو في ورق مكتوب وفكرة متماسكة تخلينا نقول هنعمل ده أنا لن أتردد".

وتابع عمرو سعد قائلًا: "أنا مش خايف من الأجزاء التانية.. النجاح يا أستاذ عمرو كان كبير جدًا، والأرقام اللي بتتقال لنا من المحطة ومن مراقبين أرقام ضخمة بشكل مخيف.. فلهذا النجاح لازم إحنا نخاف".

اقرأ أيضًا: حاول علاجها بماء البحر.. تفاصيل مرض شريف دسوقي بعد بتر ساقه بسبب جرح بسيط

شارك عمرو سعد ومصطفى شعبان في بطولة مسلسل "ملوك الجدعنة" مجموعة من النجوم ومنهم عمرو عبد الجليل، وياسمين رئيس، وأحمد صفوت، ورانيا يوسف، ومريم أمين، ودلال عبد العزيز، ووليد فواز، وبسمة داود، وآخرين والعمل كان سيناريو وحوار عبير سليمان وأمين جمال، والإخراج لـ أحمد خالد موسي.