عاجل| رد ناري من أحمد عيد على منتقدي فتح حساب تبرعات للزمالك في البنوك

رد أحمد عيد عبد الملك نجم الزمالك السابق، على الانتقادات التي طالت مسؤولي القلعة البيضاء، بعد الإعلان عن فتح حساب بنكي لتبرع الجماهير لدعم نادي الزمالك.

وأعلن حسين السمري المدير التنفيذي لنادي الزمالك، عن فتح حساب باسم النادي في البنوك المصرية لتبرعات الجماهير، بسبب الأزمة المالية التي يمر بها النادي.

وكتب أحمد عيد عبر حسابه الرسمي على موقع التواصل الاجتماعي "فيسبوك": "موضوع دعم النادي بعد فتح الحساب، سهل جداً بعض الناس بتقول، هو أنا ممكن احط من فلوسي ورزق عيالي للنادي علشان اللاعيبة تركب عربيات وتسكن في فلل وتترفه".

وتابع: "سهلة لو مقتدر وعندك إمكانية ساهم، لو مش قادر وشايف إن ده مش من مقدرتك خلاص محدش بيجبرك، بس اسكت وسيب إللي يتبرع أو يساعد النادي يساعد في العموم الفكرة مش وحشة بس عاوزة دراسة ومخاطبة لفئة معينة من الجماهير إللي هما مقتدرين أكتر، وبيطلعو يتكلمواعن النادي وبيتباهوا ‘نهم زمالكاوية بالاسم بس".

وشدد: "إللي بيحبو النادي كتير وجماهير الزمالك غير أي حد وأنا متأكد من ده، بس بردو النادي ممكن يدخله فلوس كتير، وسهل بس عاوزة نظام".

اقرأ أيضًا: كارتيرون عن أوباما: لا أعلم سبب عدم انضمامه لمنتخب مصر

واختتم: "أنت لو وفرت 50 أو 60 مليون أو اقترضتهم وعملت أساس، وبنيت سور النادي في أكتوبر بس هتجيب مليار علي الأقل دخل من العضويات الجديدة بس نشغل دماغنا بس، عندك محلات في أهم شارع تجاري في مصر مش عارف تستفاد بيها ولا بتسويقها، وأكيد الي جاي لازم يشتغل مش هنلم تبرعات بس، قبل ما تقولي انت بتشحت أنت كنت بتفكر تفتح حساب علشان ترجع الي عليك وكنت مؤيد للفكرة".