”أنا كلي بتاعته”.. شيرين عبد الوهاب تكشف حقيقة استيلاء حسام حبيب على أموالها

كشفت النجمة شيرين عبد الوهاب، حقيقة إستيلاء زوجها الفنان حسام حبيب على أموالها، بسبب توكيلات منها باسمه وإدارته لأعمالها، مؤكدة أن هذا غير صحيح.

وقالت شيرين، في تسجيل صوتي لها ثاني، نشرته على حسابها الشخصي بموقع التواصل الاجتماعي "تويتر"، قائلة: "مافيش توكيلات باسمه والفيز بتاعتي مش معاه، وكل الكلام ده مش مظبوط لأني أنا كلي بتاعته".

وتابعت: "كما أنا جوزي راجل متأصل وابن ناس، أنا جوزي ابن عيلة محترمة قوي، ومقبلش إن حد يتكلم عنه كده لا هو ولا أمه، حسام راجل مافيش منه خلاص، الناس اللي زيه مبقوش موجودين، وياريت الناس تفهم بالعقل، إحنا متجوزين من 4 سنين، لو كان عايز يستفيد مني كان عمل حتى غنوة، الراجل ده صايني انا وعيالي، وكل الناس بتتخانق إيه يعني، لكن هو بيحبني أنا من نفسه، وأنا حاسه ربنا مديني مؤشر وقلب، أنا حاسه أنه بيحبني وحاسه معاه بالأمان".

وأختتمت: "حسام مضرنيش، ده فادني كفاية إنه طلع من حياتي كل الناس اللي كانت بستغلني بجد، حسام طلعهم كل الثعابين اللي كانت في حياتي".

اقرأ أيضا: عاجل | والد حسام حبيب يثير الجدل بمكالمة مسربة عن علاقة نجله وشيرين عبدالوهاب

وتصدر اسم الفنانة شيرين عبد الوهاب محركات الأعلى بحثًا عبر موقع "جوجل" خلال الساعات الماضية بعد انتشار تسجيل صوتي منسوب لوالد حسام حبيب، تحدث خلاله عن تحكم ابنه في حساباتها البنكية، وتخطيطه للزواج سرًا من أخرى، وأكد كره والدة حسام لزوجة ابنها، واعتبارها من طبقة اجتماعية غير ملائمة، رغم أن شيرين هي من تتولى الانفاق على عطلات حماتها الصيفية متحملة كافة التكاليف المادية.