”بيحب لاعيبة معينة”.. حقيقة تدخل محمد صلاح في اختيار تشكيل منتخب مصر… خاص
كشف مصدر داخل منتخب مصر، حقيقة الأنباء المتداولة حول تدخل محمد صلاح نجم ليفربول الإنجليزي في تشكيل الأساسي للفراعنة، خلال الفترة الأخيرة.
ونجح المنتخب الوطني في التأهل للمرحلة الأخيرة من تصفيات أفريقيا، المؤهلة لكأس العالم بعدما احتل صدارة المجموعة برصيد 14 نقطة وبفارق 7 نقاط عن الجابون صاحبة المركز الثاني.
وقال المصدر في تصريحات خاصة لموقع "الطريق": "يا بخت اللي عنده محمد صلاح، ويا بخت اللي عنده ميسى ويا بخت اللي عنده رنالدو، لاعيبة زي دي مش هتكرر".
وشدد: "أوعى تصدق حد يقولك إن صلاح بيتدخل ويقول دا يلعب ودا ميلعبش، صلاح لا يملك القوة لهذه التصرفات، لكنه بيحب لاعيبة معينة وبيرتاح معاهم عادي يعني ويقعد معاهم في أوضته لكن الملعب مفيش الكلام ده".
اقرأ أيضًا: ”كيروش” يحتفل بصعود منتخب مصر من دور المجموعات ويعدد مكاسب التأهل
وعن لقطة ظهور الحرس الخاص بمحمد صلاح في الملعب، قال: "الشطارة يا صلاح أنك تخبي الأمن والبودي جاردات ومحدش يشوفهم مش ينزلوا الملعب، لأ ده مشهد يزعل وأول واحد زعل منه هو انت لأنك شخص بسيط ومش بتحب التصرفات دي".
