نائب لـ رئيس الصرف الصحي بالإسكندرية: احنا لسه هنعمل شبكة ري؟

واجه النائب محمود قاسم، عضو مجلس النواب عن الإسكندرية، اللواء محمود نافع، رئيس شركة الصرف الصحي بالمحافظة، قائلا: "في حاجة عندنا اسمها أولويات".

وأضاف "قاسم"، خلال مداخلة هاتفية ببرنامج "على مسئوليتي"، المذاع على قناة "صدى البلد": "احنا ازاي يا سيادة اللواء لسه هنعمل شبكة ري لفصل الأمطار والاستفادة بها، وليه مبدأناش بهذا الأمر بدل ما أرفع كفاءة حاجة وأنا عارف انها متهالكة".

ورد اللواء محمود نافع، رئيس شركة الصرف الصحي بالإسكندرية: "مرفق الصرف الصحي أعمق مرفق في أي مكان، لما أجي اشتغل لازم المكان يبقى فاضي، انهارده هعمل شبكة جديدة يبقى لازم أوقف الشارع كله وأنزل على عمق 6 متر عشان أعمل الشبكة بتاعتي، والمحاور دي كلها حيوية، فاحنا كدة هنوقف الدنيا أكيد".

اقرأ أيضا: محافظ الإسكندرية: أمطار غير عادية والمدينة غرقت في نص ساعة فقط

وأضاف "نافع: "احنا شغالين بالعربيات والبدالات لحد ما ننهي كمية المياه ونتخلص منها ويتم تنظيف الإسكندرية بالكامل، خاصة أن هناك بعض الشوارع اللي محطتها مش مستوعبة مياه الأمطار".