عمرو أديب عن ضحايا حادث الشيخ زايد: «ليه كل حوادث العربيات في مصر قاتلة؟»
علق الإعلامي عمرو أديب خلال برنامجه "الحكاية"، على واقعة مصرع 4 طلاب في حادث تصادم بين سيارتين، بمدينة 6 أكتوبر.
وانفعل "أديب": "ليه حوادث العربيات بتكون مميتة وقاتلة، ده لو اتضربوا بالرصاص مش هيموتوتا بالطريقة دي، إزاي يتوفى أربعة في نفس اللحظة؟".
وتابع: "الأماكن اللي فيها طرق مفتوحة، العربيات ماشية صواريخ، حكاية إن العربيات بتسابق بعض، دي جريمة بره اسمها القيادة المتهورة"، مشددًا على ضرورة وضع حد لهذه الحوادث.
من جانبه، قال سامي عبد الراضي، مدير تحرير جريدة الوطن، إن النيابة العامة ستقوم بعمل تحليل مخدرات للمتهم، ومعرفة ما إذا كان في حالة سكر أم لا، متابعًا: "العربية وهي طايرة دي بتثبت أنه شخص مش طبيعي".
اقرأ أيضًا: عاجل | بلاغ جديد للنائب العام ضد عمر كمال.. والسبب كارثي
وأضاف عبد الراضي: "عيال لسه في ثانوية عامة، الأربعة ملحقوش يوصلوا المستشفي، المتهم جاي بعربيته الحديثة جدًا، دخلت في عربيتهم فرمتهم".
وتابع حديثه: "الغريب إن الشاب اللي دهسهم مشي وسابهم، هو عنده كدمات لكن مفيش كسور، وعربيته كان فيها وسائل أمان بتمنع إصابته، أما الأربعة حياتهم راحت في دقايق معدودة".
