راندا البحيري تناشد وزير الشباب والرياضة بمحاسبة «كيروش»

وجهت الفنانة راندا البحيري، نداء إلى وزير الشباب والرياضة، ورئيس الجمهورية تناشدهم بمحاسبة المدرب الفني لمنتخب مصر "كيروش"، بعد الأداء غير المرضي للمنتخب في بطولة كأس العرب.

ونشرت راندا البحيري، صورة لكابتن حسام حسن وكابتن عبد الحميد بسيوني، عبر حسابه الشخصي بموقع تبادل الصور والفيديوهات الشهير إنستجرام، وعلقت قائلة: "نداء الي السيد وزير الشباب و الرياضه و كل الساده المعنيين بالأمر … سيادة رئيس جمهورية بلدي الحبيبه مصر".

وتابعت: "كان خد قرار بتعيين مديرين فنيين مصريين وطنيين لمنتخب بلدنا، وده كان قرار صائب مليون في الميه.. وبالفعل تم تكليف الكابتن حسن شحاته بعد إقالة الكابتن حسام البدري من منصبه ولكن فوجئنا جميعًا بكيروش ومنعرفش إذا كان ده مطلب محمد صلاح أو غيره من داخل المنتخب ولكن المهم إن اللي حصل في الأخر، إن حد غريب وأجنبي هو اللي مسك ونتايجه وحشه جدا وزي ما حاسبنا كابتن حسام البدري وحاسبنا غيره معرفش محاسبناش الاجنبي ليه؟؟ خصوصا إن عندنا كفاءات وعندنا ناس أجدر و أحق".

واستكملت: "هل معندناش في ال 100 مليون حد يمسك المنتخب؟، هل انتوا مصدقين اللي بيتصدرلنا إن ن كابتن حسام حسن لو مسك المنتخب هيبقي عصبي؟ هو كان فيه حد عصبي أد الكابتن الجوهري اصلا؟، احنا هنهزر؟، ولا جوزيه اللي كان عصبي في الأهلي وكان هو سبب إن عصام الحضري يمشي من كتر ما كان بيتعصب عليه؟، بعض الناس حاولوا يصدروا أن حسام حسن مينفعش علشان عصبي وده أي كلام".

اقرأ أيضا | شاهد.. نقيب المهن التمثيلية يشن هجومًا حادًا على المسيئين للفن

وأضافت: "عندنا كابتن عبد الحميد بسيوني رجل محترم و مخلص و بيحب بلده و شاطر جدا بطل السوبر، أحسن راس حربه في كفر الشيخ، هداف الدوري المصري 97 98، فاز ب4 بطولات محليه و قاريه، انضم لمنتخب مصر واتكرم من فيفا وحقق أرقام قياسيه كتير.. حط 3 أجوال في 117 ثانيه مع منتخب في ماتش واحد .. مصر أمام ناميبيا، اتنين من أصل 100 مليون يعني كمان فيه تاني، إزاي محدش واخد باله ان عندنا كباتن مصر تفتخر بيهم .. ليه مُصرين عالأجانب؟ ليه؟".