« أول مرة رئيس جمهورية ييجى يزورنا» ردود أفعالي أهالي قرية غرب سهيل بعد زيارة الرئيس «فيديو»

سادت حالة من الفرحة بين أهالي قرية غرب سهيل بمحافظة أسوان وردود أفعال واسعة بعد زيارة الرئيس عبد الفتاح السيسي للمحافظة لمتابعة تنفيذ بعض الخدمات بالقرية ضمن المبادرة الرئاسية حياة كريمة.

فقال أحد الأهالي، " أهل النوبة وغرب سهيل بأسوان مبسوطين والنهاردة يوم عيد عندنا بوجود الريس وسطنا".

وأضاف "سيادتك أول رئيس ييجى النوبة مرتين خلال شهر ونأمل فى مزيد من الزيارات إن شاء الله".

وقال آخر: "إحنا النهاردة فى عيد، مبسوطين زي ما حضرتك وعدتنا خلال الزيارة اللى فاتت إنك هتيجى غرب سهيل وجيت، وشرفتنا وده شرف عظيم لنا".

بينما قال مواطن آخر: "إحنا مبسوطين إن الريس جاى يطمن علينا ويشوف طلباتنا ومش ناسينا.. ودى أول مرة رئيس جمهورية ييجى يزورنا.. وبجد نورتنا وحاسس إن الريس مهتم بنا بجد وبيسمع طلباتنا ويطمن علينا".

وقال أحد العمال بأحد المحال : "النهاردة يوم عيد.. وأهالى غرب سهيل فرحانين بزيارة الريس.. المكان اللي بيدخل فيه سيادة الريس بيعمره وبتدخل فيه التنمية.. وتحيا مصر".

وخاطبت إحدى السيدات الرئيس السيسي باللغة النوبية: "إيكادولي" يعنى بنحبك ياريس وأهلا بك فى بلدنا قرية غرب سهيل.. ومبسوطين بزيارتك لنا ومبسوطين بالتطورات اللى بتحصل فى البلد.. وحاسة إن أحلامنا هتتتحق مع زيارة سيادة الريس".

والتقط أطراف الحديث أحد الشباب من أهالى القرية قائلًا: "نورت البلد وخليتها حاجة تانية بوجودك".

واختتم مسن الكلام: "بشكر الرئيس إنه جانا وبنقوله ربنا يعينك على مصر كلها".