ملخص تصريحات غادة عادل أمام طليقها مجدي الهواري: «كنت مكبوتة وبنتخانق كتير»
حلت الفنانة غادة عادل أمس الاثنين ضيفة ببرنامج "بصراحة مع" أمام طليقها المخرج مجدي الهواري، عبر شاشة قناة MBC1 الفضائية، وتصدر اسم غادة عادل التريند بعد تصريحاتها الجريئة والتي أثارت ضجة.
وتحدث الثنائي خلال الحلقة عن فترة زواجهما والتعاون الفني بينهما ورأيهما في الأفلام التي قدماها معا، حيث سألت غادة، طليقها مجدي الهواري عن سر عدم زواجه بعد طلاقهما، وهل سيتضايق إذا تزوجت؟، وأشارت إلى أنها كانت تشعر بالحماية الزائدة من زوجها السابق، لكنها تقدر خوفه وحبه لعائلته.
تصريحات غادة عادل
ومن جانبه، طلب منها المنتج والمخرج مجدي الهواري في ختام اللقاء، مشاركته في فيلم جديد يكتبه محمد ناير الذي تعاونا معه في فيلم "الوتر"، لترحب بهذا الطلب، وفي تصريحاتها قالت: "ربنا ساعدنا في موضوع الطلاق وكان في صالحنا وصالح ولادنا.. كنت طول الوقت شايف إن إنت الأب لينا، وأنا مش عارفة أتعامل مع الولاد".
وتابعت قائلة: "مكنتش مستريحة وسعيدة عشان أوصل لهم ده، مش بسببك لكن بسبب إني كنت مكبوتة.. كنت مش عارفة أعبر عن اللي جوايا، والولاد كانوا بيشوفونا بنتخانق كتير جدا.. كان في وقت كنت مش قادرة أتقبل الحياة دي.. كنت واخدني شيء مسلم بيه، وبتعاملني كإني بنتك".
وأضافت غادة عادل: "عمري ما قلت غير إنك إنسان طيب وفنان، وعمري ما زعلت إنك كنت بتخاف علينا وبتحبنا، وولادك مش راضيين أتجوز، أنا متجوزة أربعة من بعدك.. وكنت مؤمن بإني ممثلة، وعمري ما هنسى إننا نجحنا مع بعض، بس الأفلام معملتش إضافة ليا".
وقالت أيضًا: عملت معاك أفلام كوميدية شبه أفلامي حاليا، لكن بعمل معاها أفلام مكنتش بتحب أعملها، كنت دايما عايزني كيوت وطيبة وبريئة، وبعمل أفلام تجارية عادية لو زميل حابب أشتغل معاه، وإنت أجبرتني أعمل في شقة مصر الجديدة".
اقرأ أيضًا: نصر محروس يكشف السبب الحقيقي لخلافه مع بهاء سلطان «فيديو»
غادة عادل وطليقها مجدي الهواري
ليرد طليقها مجدي الهواري قائلًا: " الأفلام اللي بتعمليها في الفترة الأخيرة في منها إنك بتهزمي نفسك وتاريخ عملناه سوا.. إحنا استثمرنا كتير في اسم غادة عادل"، مشيرة إلى أنها غير راضية عن بعض الأفلام التي قدمتها مع زوجها السابق ومن جانبه رفض هو وضعها في إطار يشبهه خلال تلك الفترة، ووصفه بأنه كان الإطار الصحيح في ذلك الوقت.
لتعلق غادة عادل قائلة: "عندي أفلام زمان وإحنا مع بعض والله العظيم لما بتيجي في التليفزيون ببقى عايزة أطفيه، على أمل محدش يشوف.. ومقدرش أقول أي فيلم عشان فيها زملاء، بس لحد النهاردة كل ما أعمل فيلم كويس يقولوا أول مرة نشوف غادة تمثل، عشان التاريخ القديم محطوط، 6 أو 7 أفلام كده".
